اوس بن ثابت خزرجي
اوس بن ثابت خزرجي د اسلام د پېغمبر(ص) انصاري صحابي چې په احد غزا کې شهید شو. د ځینو مفسرانو په وینا، د نساء سورې اوم ایت چې د میراث د یوې مسالې په اړه دی، د هغه له شهادته وروسته د هغه د میراث د تقسیمولو په باره کې نازل شوی دی.
شخصیت پېژندنه
اوس بن ثابت بن منذر، د پېِغمبر(ص) د زمانې د مشهور شاعر -حسان بن ثابت- ورور دی. هغه د خزرج د قبیلې د بني نجار له تپې او د عمرو بن مالک له کورنۍ څخه و. هغه د دوهمې عقبې په بیعت کې موجود و[۱] او مدینې ته د پېغمبر(ص) په هجرت سره د انصارو په لیکه کې راغی.[۲] هغه په مدینه کې په خپل کور کې د عثمان بن عفان کوربه شو.[۳]
د مشهور قول له مخې اوس په احد غزا کې شهید شوی دی.[۴] یو بل روایت هم هغه د بدر، احد او خندق غزاګانو له مجاهدینو بللی او د هغه وفات یې د عثمان بن عفان د خلافت په زمانه کې ګڼلی دی.[۵]
د میراث کیسه
د قرآن مجید مفسرانو د نساء سورې د اوم آیت په تفسیر کې د اوس بن ثابت او د هغه له شهادته وروسته د دغه ایت د نازلېدو خبره کړې ده. په دې اساس د جاهلیت دود دستور دا و چې مېرمن او واړه بچیان له میراثه محرومېدل[۶] او ښځو او لوڼو ته هم د میراث څه برخه نه ورکول کېده.[۷] د اوس له شهادته وروسته، د هغه د تره زامنو د هغه په ټول مال خېټه واچوله.[۸] او د اوس مېرمن چې درې وړې لوڼې یې لرلې، پېغمبر(ص) ته مراجعه وکړه. پېغمبر(ص) د هغه د تره زامنو ته امر وکړ چې په دې مساله کې د وحي تر نازلېدلو پورې، د اوس د میراث له خپلولو ډډه وکړي.[۹] هغوي د پېغمبر په خبره عمل وکړ؛ تر دې چې د نساء سورې اوم ایت نازل شو.[۱۰] [یادداشت۱]
اړونده لیکنې
فوټ نوټ
- ↑ ابن هشام، السیرة النبویة، ۱۴۱۰ق، ج۲، ص۱۰۱.
- ↑ ابن کثیر، البدایة و النهایة، ۱۴۱۰ق، ج۳، ص۲۰۳.
- ↑ ابن سعد، الطبقات الکبیر، ۱۴۲۱ق، ج۳، ص۵۵.
- ↑ ابن عبد البر، الاستیعاب، ۱۴۱۲ق، ص۱۱۷.
- ↑ ابن اثیر، اسد الغابه، ۱۴۳۳ق، ص۸۳.
- ↑ طباطبایی، المیزان، ۱۴۳۰ق، ج۴، ص۲۹۹- ۳۰۱.
- ↑ طبرسی، مجمع البیان، ۱۴۲۷ق، ج۳، ص۱۹؛ فیض کاشانی، الصافی، ۱۴۱۹ق، ج۲، ص۱۹۲.
- ↑ ثعلبی، تفسیر ثعلبی، ۱۴۲۲ق، ج۳، ص۲۶۰.
- ↑ ابن جوزی، زاد المسیر، ۱۴۲۳ق، ص۲۵۹.
- ↑ قرطبی، الجامع لاحکام القرآن، ۱۴۲۷ق، ج۶، ص۷۸.
سرچينې
- ابن اثیر، عزالدین، اسد الغابة فی معرفة الصحابة، بیروت، دار ابن حزم، ۱۴۳۳ق.
- ابن جوزی، عبدالرحمن بن علی، زاد المسیر فی علم التفسیر، بیروت، المکتب الاسلامی، ۱۴۲۳ق.
- ابن سعد، محمد، الطبقات الکبیر، قاهره، مکتبة الخانجی، ۱۴۲۱ق.
- ابن کثیر، الحافظ، البدایة و النهایة، بیروت، مکتبة المعارف، ۱۴۱۰ق.
- ابن عبد البر ، یوسف بن عبدالله، الاستیعاب فی معرفة الاصحاب، بیروت، دارالجیل، ۱۴۱۲ق.
- ابن هشام، عبدالملک، السیرة النبویة، بیروت، دارالکتاب العربی، ۱۴۱۰ق.
- ثعلبی، احمد بن محمد، تفسیر الثعلبی، بیروت، دار احیاء التراث العربی، ۱۴۲۲ق.
- طباطبایی، محمد حسین، المیزان فی تفسیر القرآن، قم، منشورات جماعة المدرسین، ۱۴۳۰ق.
- طبرسی، فضل بن حسن، مجمع البیان فی تفسیر القرآن، بیروت، دار المرتضی، ۱۴۲۷ق.
- فیض کاشانی، محسن، تفسیر الصافی، تهران، دار الکتب الاسلامیة، ۱۴۱۹ق.
- قرطبی، محمد بن احمد، الجامع لاحکام القرآن، بیروت، موسسة الرسالة، ۱۴۲۷ق.