د سيپارو تلاوت
جزء خواني، د سيپارو په شکل کې د قرآن تلاوت ته وایي چې معمولا په ګډه او ډله ایزه توګه ترسره کیږي. په رمضان، کې د سیپارو لوستل، د قران د ختمولو غونډې او په حق رسېدلو کسانو لپاره د درنښت او فاتحې دستورې دود دي. په دېرشو سېپارو یا برخو د قران وېشل د لومړۍ پېړۍ په وروستیو یا دوهمې پېړۍ کې ترسره شوې دي.
د سیپارو لوستلو سنت
د قرآن د سيپارلو لوستلو په مجالسو کې قاري یوه یا څو سيپارې وایي او حاضر کسان ورته غوږ ږدي یا په کراره د قرآن تلاوت زمزمه کوي او له قاري سره همخواني کوي.[۲] دغه طریقه د روژې په میاشته کې[۳] او د قران د ختم په محفلونو کې دود ده. همداراز د فاتحې په دستورو او د مړو لپاره د یاد او مجلس په مراسمو کې هم د قران دېرش سيپارې ویشل کیږي چې هر یو کس یوه سيپاره یا د یوې سیپارې یوه برخه ولولي او په ټول کې د قران یو یا څو ختمونه وشي.[۴]
سيپارې لوستل په مجازي توګه (آنلاین یا انټرنیټي شکل) هم ترسره کيږي.[۵]
د قرآن ختم
د قرآن د ختم کولو یو دود شکل جزء خواني یا د سيپارو لوستل دي. په ځینو غونډو او مجلسونو کې چې په کور یا جومات کې کیږي، هر کس د قرآن یوه یا څو سيپارې تلاوتوي. همداراز په روژه کې هره ورځ د قران د یوې سيپارې په تلاوت سره په ټوله میاشته کې د قرآن یو ختم کیږي.[۶] دې طریقې ته د ایران په جنوب کې مقابله یا مقابله خواني ویل کیږي.[۷] د قرآن د سيپارو لوستلو او ختم دستورې په روژې کې په ډېرو هیوادونو کې ترسره کیږي.دغه دستورې د امام رضا(ع) یا د بي بي معصومې(ع) د حرم په شان ځایونو څخه د ریډیو ټیلي ویژن په وسیله خپرېږي.[۸]
په سيپارو یا دېرشو برخو د قران تقسیمېدل
په دېرشو سيپارو د قرآن ویش د لومړۍ پېړۍ په وروستیو یا په دوهمې سپوږمیزې پېړۍ کې په لوستلو، حفظ، تدریس او د قرآن په وړلو کې د اسانتیا لپاره رامینځته شو.[۹] په دېرشو برخو د قران وېش یې د حجاج بن یوسف ثقفي[۱۰] او مامون عباسي[۱۱] کار ګڼلی دی، د اتمې پېړۍ د قران مفسر زرکشي په دېرشو برخو د قران ویشل له دیني مدرسو ګڼل.[۱۲] په ځینو اسلامي هیوادونو کې د قرآن سيپارې جدا جدا هم چاپ او خپریږي.
فوټ نوټ
- ↑ «تصاویر/ مراسم جزءخوانی قرآن کریم در حرم امام حسین(ع)»، خبرگزاری حوزه.]
- ↑ «بهترین شیوه قرائت قرآن کریم در ماه رمضان»، باشگاه خبرنگاران جوان.
- ↑ معینی، «جزء»، ص۸۳۶.
- ↑ وګورئ: موسوی آملی، «شناخت قرآن؛ قرآن در مراسم ختم». پایگاه اطلاعرسانی حوزه.
- ↑ «ختم قرآن»، مجله نسیم وحی، ۱۳۸۶ش، ش۷.
- ↑ «ختم قرآن»، مجله نسیم وحی، ۱۳۸۶ش، ش۷.
- ↑ ««مقابله آیین سنتی قرآن خوانی مردم بوشهر در ماه مبارک رمضان»، خبرگزاری شبستان.
- ↑ «زمان پخش ترتیل جزءخوانی قرآن کریم شبکههای سیما»
- ↑ فرهنگنامه علوم قرآنی، ۱۳۹۴ش، ص۴۸۲-۴۸۱.
- ↑ فیض کاشانی، محجةالبیضاء، ۱۴۲۸ق، ص۲۲۴.
- ↑ معرفت، التمهید، ۱۴۱۲ق، ج ۱، ص۳۶۴.
- ↑ زرکشی، البرهان، ۱۴۰۸ق، ج ۱، ص۲۵۰
سرچينې
- په رمضان میاشت کې د قرآن کریم تلاوت غوره طریقه «بهترین شیوه قرائت قرآن کریم در ماه رمضان»، باشگاه خبرنگاران جوان، درج مطلب: ۷ اردیبهشت ۱۳۹۹ش، مشاهده ۱۰ فروردین ۱۴۰۲ش.
- جمعی از نویسندگان، «فرهنگنامه علوم قرآنی»، قم، پژوهشگاه علوم و فرهنگ اسلامی، چ۱، ۱۳۹۴ش.
- «ختم قرآن»، مجله نسیم وحی، قم، جامعةالقرآن الکریم، ش۷، شهریور ۱۳۸۶ش.
- زرکشی، بدرالدین محمد بن عبدالله، «البرهان فی علوم القرآن»، بیروت، انتشارات دارالجیل، ۱۴۰۸ق.
- په ټیلي ویژن د قرآن کریم د تلاوت د خپرېدو وخت «زمان پخش ترتیل جزءخوانی قرآن کریم شبکههای سیما»، باشگاه خبرنگاران جوان، درج مطلب: ۷ فروردین ۱۴۰۲ش، مشاهده ۱۰ فروردین ۱۴۰۲ش.
- فیض کاشانی، محسن، «المحجة البیضاء»، قم، دفتر انتشارات اسلامی، چاپ دوم، ۱۴۲۸ق.
- معرفت، محمدهادی، «التمهید»، قم، مؤسسة النشر الاسلامی، چاپ اول، ۱۴۱۲ق.
- معینی، محسن، مدخل «جزء»، دانشنامه قرآن و قرآنپژوهی، تهران، نشر دوستان و نشر ناهید، ۱۳۷۷ش.
- د روژې په مبارکه میاشت کې د بوشهر د خلکو د قرآن کریم د مقابله سره تلاوت یو دودیز ««مقابله آیین سنتی قرآنخوانی مردم بوشهر در ماه مبارک رمضان»، خبرگزاری شبستان، درج مطلب: ۳۰ خرداد ۱۳۹۵ش، مشاهده ۱۰ فروردین ۱۴۰۲ش.
- موسوی آملی، سید محسن، «شناخت قرآن؛ قرآن در مراسم ختم»، پایگاه اطلاعرسانی حوزه، مشاهده ۱۰ فروردین، ۱۴۰۲ش.