خوله د منظور لور
- د نورو استعمالونو لپاره، خوله وګورئ.
خوله د منظور بن زبّان فزاري لور او د امام حسن مجتبی(ع) مېرمن او د حسن مثنی مور ده. هغه لومړۍ د محمد بن طلحه مېرمن وه او د جمل په جنګ کې د هغه له وژل کېدو وروسته د امام حسن مجتبی(ع) مېرمن شوه.
ژوند لیک
خوله د منظور بن زبان بن سیار بن عمرو فزاری لور د امام حسن مجتبی(ع) میرمن ده چې لومړۍ د محمد بن طلحه میرمن وه او کله چې د جمل په جنګ کښې هغه ووژل شو نو بیا د امام حسن مجتبی(ع) میرمن شوه. او هغه د حسن مثنی مور هم ده[۱] د خوله مور ملیکه وه چې د خارجه بن سنان لور وه.[۲]
د هغې خور تماضر نومېده چې د عبد الله بن زبیر مېرمن وه. د خوله د لومړي خاوند له مړینې وروسته عبد الله د خوله د پلار په غیاب کې امام حسن(ع) ته د هغې د واده وړاندیز وکړ او امام ورسره ومنله. ویل شوي دي چې پلار یې له دې خبر وروسته په لومړي سر کې خپه شو، خو بالاخره یې ومنله.[۳]
ابو الفراج اصفهاني وايي چې هغه د امام حسن(ع) تر شهادت پورې د هغه په کور کې وه او یا دا چې امام هغې ته طلاق ورکړ.[۴] نو د ابو الفراج اصفهاني په وینا دا احتمال شته چې هغه د امام حسن(ع) تر شهادته پورې د هغه میرمن وه او ځینې مورخینو هم دا خبره څرګنده کړې ده.[۵] د هغه راپور له مخې چې مورخینو د امام په شهادت کې د هغې د ژور خفګان په اړه روایت کړی دی، دا احتمال ذهن ته نږدې دی چې هغه د عمر تر اخره د امام ښځه وه. د هغې غم داسې و چې پلار یې منظور د خپلې لور د تسلیت لپاره یو شعر ولیکه:[۶]
| نبئت خولة امس قد جزعت | من ان تنوب نوائب الدهر | |
| لاتجزعی یا خول و اصطبری | ان الکرام بنوا علی الصبر |
اولادونه
خوله له محمد بن طلحه څخه درې اولادونه درلودل چې ابراهیم، داود او ام قاسم نومیږي. له امام حسن(ع) څخه د هغې زوی هم حسن نومیده چې په حسن مُثَنّی مشهور دی.[۷]
فوټ نوټ
سرچينې
- الاصفهانی، ابوالفرج، الاغانی، ج۱۲، دار احیاء التراث العربی (نسخه موجود در لوح فشرده مکتبة اهل البیت نسخه دوم).
- الزجاج، الامالی، مصر: المکتبة المحمودیة التجاریة، ۱۳۵۴ق/۱۹۳۵م.
- القرشی، باقرشریف، موسوعة سیرة اهل البیت، ج۱۱ الامام الحسن بن علی(ع)، تحقیق: مهدی باقر القرشی، قم: دارالمعروف، ۱۴۳۰ق/۲۰۰۹م.
- بلاذری، انساب الاشراف، ج۳، تحقیق: محمدباقر محمودی، بیروت: دارالتعارف للمطبوعات، ۱۳۹۷ق/۱۹۷۷م (نسخه موجود در لوح فشرده مکتبة اهل البیت نسخه دوم).