جعفر بن علي بن ابي طالب
جعفر بن علي بن ابي طالب د امیر المومنین او ام البنین زوی چې د کربلا په پيښه کې حاضر و او له خپلو وروڼو عباس، عبدالله او عثمان سره د عاشورا په ورځ شهید شو.
زوکړه او نسب
جعفر، د امام علی(ع) او فاطمه بنت حزام بن خالد چې په «ام البنین» مشهوره وه، زوی دی. امام علی(ع) د هغه مینې له سببه چې خپل ورور جعفر ابن ابي طالب سره یې لرله د هغه نامه یې جعفر کیښوده.[۱]
ځينې په دې اند دي چې د شهادت په وخت کې ۱۹ کلن و،[۲] نو دې ته په پام د پلار له شهادت وروسته پيدا شوی دی. ځينې په دې اند دي چې د شهادت په وخت کې يې عمر ۲۱ کاله و[۳] چې له مخې يې د خپل عمر دوه کاله د امام علي عليه السلام په زمانه کې تېر کړي دي.
شهادت
جعفر د امام حسین علیه السلام له مدینه نه وتلو سره سم هغوي سره و.[سرچینې ته اړتیا] د مورخانو په نقل د عاشورا په ماځیګر، حضرت عباس خپل وروڼه (عبدالله، جعفر او عثمان) دې ته وهڅول چې له هغه وړاندې میدان ته لاړ شي او ویې فرمایل: وړاندې شئ چې د خدای او د هغه د رسول په لاره کې زه ستاسو اخلاص او خیرخواهي ووینم، ځکه چې تاسو بچي نه لرئ.[۴] نو جعفر میدان ته ووت په داسې حال کې چې دا رجز یې لوسته:
| إِنِّی أَنَا جَعْفَرٌ ذُو الْمَعَالِی | ابْنُ عَلِی الْخَیرِ ذُو النَّوَالِ | |
| ذَاكَ الْوَصِی ذُو السَّنَا وَ الْوَالِی | حَسْبِی بِعَمِّی جَعْفَرٍ وَ الْخَالِ | |
| أَحْمِی حُسَیناً ذَا النَّدَى الْمِفْضَال | ||
اخر دا چې خولي بن یزید اصبحي یو غشې د هغه په لور وویشت چې د هغه په سر یا سترګه کې ولګېد.[۶] او د هاني بن ثبیت حضرمي په وینا هغه یې شهید کړ.[۷]
په زیارت الشهدا کې د هغه نامه
په زیارت الشهدا کې د جعفر بن علی ستاینه شوې ده:
- «السَّلَامُ عَلَی جَعْفَرِ بْنِ أَمِیرِ الْمُؤْمِنِینَ الصَّابِرِ نَفْسُهُ مُحْتَسِباً وَ النَّائِی عَنِ الْأَوْطَانِ مُغْتَرِباً الْمُسْتَسْلِمِ لِلْقِتَالِ الْمُسْتَقْدِمِ لِلنِّزَالِ الْمَکثُورِ بِالرِّجَالِ»
- سلام دې وي پر جعفر بن امیر المؤمنین هغه څوک چې د خدای د رضا په لاره کې یې په خپل ځان صبر وکړ او د مسافرۍ په خاوره کې یې د جګړې لپاره ځان چمتو کړ او د جګړې لپاره مخته ولاړ، ډېرو جنګیالیو پرې برید وکړ. [او هغه یې شهید کړ.]
اړونده لیکنې
فوټ نوټ
سرچينې
- ابن شهرآشوب، محمد بن علی، مناقب آل ابی طالب، قم، نشر علامه، ۱۳۷۹ق.
- امین، سید محسن، اعیان الشیعة، بیروت، دارالتعارف، ۱۴۰۳ق.
- طبری، محمد بن جریر، تاریخ الامم و الملوک، بیروت، دار التراث، چاپ دوم، ۱۳۸۷ق.
- سماوی، محمد، ابصار العین فی انصار الحسین، قم، دانشگاه شهید محلاتی، چاپ اول، ۱۴۱۹ق.
- شیخ مفید، محمد بن محمد، الارشاد فی معرفة حجج الله علی العباد ، قم، چاپ کنگره شیخ مفید، چاپ اول، ۱۴۱۳ق.