د النظافة من الایمان حدیث

النَّظَافَةُ مِنَ الْإِيمَانِ یو حدیث دی چې پيغمبر(ص) ته منسوب دی، معنا یې دا دی چې صفايي د ایمان نښه ده. دا حدیث په طب النبی(ص) کتاب کې، چې ابوالعباس مستغفري(وفات کال 422هجری) ته منسوب دی، راغلی دی. طب النبی کتاب، د علامه مجلسي د بحار الانور کتاب سرچینه وه او په بشپړه توګه هلته نقل شوی دی.

د «النَّظَافَةُ مِنَ الْإِيمَانِ» حدیث پيغمبر(ص) ته منسوب او د یو اوږد حدیث یوه برخه ده چې مضمون یې دا دی: «تَخَلَّلُوا فَإِنَّهُ مِنَ النَّظَافَةِ وَ النَّظَافَةُ مِنَ الْإِيمَانِ وَ الْإِيمَانُ مَعَ صَاحِبِهِ فِي الْجَنَّة؛ په خاښونو کې ډکي وهئ چې دا صفايي ده او صفايي د ایمان له نښو ده او ایمان خپل څیښتن سره په جنت کی دی.»

په طب النبي(ص) کتاب کې ټول حدیثونه چې د پاکۍ او درملنی په هکله له پیغمبر(ص) څخه نقل دي، بې له سنده بیان شوي دي. او همدا سبب دې چې د متخصصانو تر مینځ ورباندې بحثونه کیږي.

له دې ټولو سره سم، د دې حدیث مضمون د قبلیدو وړ ګڼلی شوی دی؛ لومړۍ دلیل یې دا دی چې قرآن مجید هم له ککړتیاو څخه د صفايۍ په مسئله ټینګار کړی دی، له هغو څخه یو د احزاب سوره 33 آیت او د سوره بقرې 125 آیت دی؛ دویم دلیل د حدیثونو په صفايي او صحي خیال ساتلو باندې ټینګار، له هغوي ځینې دا حدیث چې وايي صفايي نیم ایمان دی، د کیمس د صفا ساتلو سپارښتنه، د کور د صفا ساتلو سپارښتنه او د غیر صحي څیزونو د ځان ساتلو سپارښتنه، لکه نامینځلي لوخي او په کور کې جارو نه وهل؛ دریم دلیل دا دی چې دې ته ورته حدیث هم شته چې د اهل سنتو په زړو کتابونو کې راغلی دی چې مضمون یې دا دی: «تَخَلَّلُوا، فَإِنَّهُ نظافةٌ، وَالنَّظَافَةُ تَدْعُو إِلَى الْإِيمَانِ، وَالْإِيمَانُ مَعَ صَاحِبِهِ فِي الْجَنَّةِ؛ په غاښونو کې ډکي وهئ ځکه دا صفايي ده او صفايي ایمان ته بلنه ده او ایمان خپل څیښتن سره په جنت کی دی.»

د «النظافه من الایمان» لیک په دیوال باندې د دې لپاره چې تبلیغ یې وشي او په مسلمان هیواد کې د صفایۍ خیال وساتلی شي

علامه مجلسي د طب‌النبی(ص) کتاب مستغفري ته منسوب ګڼلی دی. خو په دې حدیث او کتاب باندې باور کړی دی او ټول کتاب یې په بحار الانوار کې راوړی دی. په دې حدیث باندې له مجلسي او بحار الانوار وروسته محدث نوري هم باور کړی دی او په مستدرک الوسائل کې هم راغلی دی.

له ډېرو تېرو وختونو ځینې کتابونو او مقالاتو چې له فقهي نظره یا په عمومي توګه د صفايۍ په هکله لیکلي شوي دي، د النظافة من الایمان حدیث یې په سر کې راوړ دی. همدارنګ په اسلامي هېوادونو کې، د صفايي د تبلیغ او رواج کیدو لپاره، دا حدیث په دیوالونو او بورډونو باندې لیکلی کیږي.