کردوس بن زهیر تغلبي
کُرْدُوس بن زُهیر بن حرث تغلبي (شهادت ۶۱ق) د کربلا له شهیدانو او د امام علي(ع) له اصحابو کردوس په جمل، صفین او نهروان جنګونو کې د امام علي(ع) له سپایانو و. هغه د کربلا په پېښه کې ځان له خپلو وروڼو قاسط او مقسط سره د شپې شپې د امام حسین(ع) کاروان ته ورساوه او د عاشورا په ورځ شهید شو.
نسب
کردوس بن زهیر بن حرث تغلبي، تغلب قبیلې ته منسوب و. په ابصار العین کتاب کې یې نوم د تغلبي شهیدانو په لیکه کې راغلی دی.[۱] په وقعة صفین کې هم هغه د « تغلب قبیلې د مشر د زوي» په توګه یاد شوی دی.[۲]
د هغه لپاره نور نومونه لکه کرش او کردوش هم ذکر شوي، همداراز پلار یې «عبدالله بن زهیر» هم یاد شوی دی.[۳]
په جمل، صفین او نهروان جنګونو کې یې ګډون
په ابصار العین کتاب کې د محمد بن طاهر سماوي (۱۲۹۲-۱۳۷۰ق) په وینا کردوس په جمل، صفین او نهروان جنګونو کې د امام علي(ع) له سپایانو و له دې امله یې په جنګونو په تېره بیا صفین کې د نوم یادونه شوې ده.[۴] همداراز سماوي هغه د امام حسن(ع) له اصحابو هم ګنلی دی.[۵]
په کربلا کې شهادت
کردوس په کوفه کې اوسیده. کربلا ته د امام حسین(ع) له رسېدلو وروسته له خپلو وروڼو قاسط او مقسط سره د شپې شپې د امام له سپایانو سره یو ځای او د عاشورا په ورځ شهید شو.[۶]
په زیارت الشهداء کې له هغه او ورور قاسط څخه یې د «السلام علی قاسط و کردوس إبنی زهیر التغلبیین»» په عبارت سره د کربلا د شهیدانو په توګه یادونه شوې ده.[۷]
اړونده لیکنې
فوټ نوټ
- ↑ سماوی، ابصار العین، ۱۴۱۹ق، ص۱۹۹-۲۰۰.
- ↑ منقری، وقعة صفین، ۱۳۸۲ق، ص۴۸۷
- ↑ حسینی حائری، ذخیرة الدارین، بی‌تا، ص۵۴۵
- ↑ سماوی، ابصار العین، ۱۴۱۹ق، ص۲۰۰.
- ↑ سماوی، ابصار العین، ۱۴۱۹ق، ص۲۰۰.
- ↑ سماوی، ابصار العین، ۱۴۱۹ق، ص۲۰۰.
- ↑ ابن مشهدی، المزار الکبیر، ۱۴۱۹ق، ص۴۹۴؛ شهید اول، المزار، ۱۴۱۰ق، ص۱۵۳؛ مجلسی، بحار الانوار، ۱۴۰۳ق، ج۹۸، ص۲۷۳.
سرچينې
- ابن مشهدی، محمد بن جعفر، المزار الکبیر، تصحیح جواد قیومی اصفهانی، قم، دفتر انتشارات اسلامی وابسته به جامعه مدرسین حوزه علمیه قم، چاپ اول، ۱۴۱۹ق.
- حسینی حائری شیرازی، سیدعبدالمجید ، ذخیرة الدارین فیما یتعلق بمصائب الحسین علیه‌السلام و اصحابه، قم، نشر زمزم هدایت، بی‌تا.
- سماوی، محمد بن طاهر، إبصار العین فی أنصار الحسین علیه‌السلام، قم، انتشارات دانشگاه شهید محلاتی، چاپ اول، ۱۴۱۹ق.
- شهید اول، محمد بن مکی، المزار، تحقیق مدرسه امام مهدی علیه‌السلام، محمدباقر موحد ابطحی اصفهانی، قم، مدرسه امام مهدی علیه‌السلام، چاپ اول، ۱۴۱۰ق.
- مجلسی، محمدباقر، بحار الأنوار، بیروت،دار إحیاء التراث العربی، چاپ دوم، ۱۴۰۳ق.
- منقری، نصر بن مزاحم، وقعة صفین، تحقیق عبدالسلام محمد هارون، القاهرة، المؤسسة العربیة الحدیثة، الطبعة الثانیة، ۱۳۸۲ق، افست قم، منشورات مکتبة المرعشی النجفی، ۱۴۰۴ق.