wikishia:Featured articles/2026

د پيغمبر(ص) رحلت د ۱۱ هجري قمري کال له پېښو څخه يوه پيښه ده چې په پېښېدو سره یې مسلمانان بې اتفاقه شول او دې مسئلې د دوی په برخليک ډېر اغېز وکړ. د پیغمبر(ص) د وفات یا شهادت بحث او د هغې د پایلو بحث د اسلامي تاریخ له مهمو بحثونو څخه دی. د شیعه او سني د روایي سرچینو له مخې رسول الله(ص) ته د یوې یهودي ښځې له خوا زهر ورکړی شو او شهید شو. خو ځینې په دې باور دي چې پیغمبر(ص) په طبیعي مرګ له دنیا تللی دی. د اسلامي تاریخ د یوه عالم او محقق جعفر مرتضی عاملي په وینا، په رسول الله(ص) باندې څو څو ځله بریدونه شوي دي او اخر د زهرو د خوړلو له امله شهید شوی دی. په تاریخي منابعو کې د رسول الله(ص) د ژوند د وروستیو ورځو مهمې پېښې روایت شوې دي. له هغو څخه: د اسامه لښکر، د دوات او قلم غوښتلو پیښه، د ثقلین د حدیث فرمایل او د رسول الله(ص) د جانشین ټاکلو پيښه. د تاریخ پوهانو په وینا، امام علي(ع) د فضل بن عباس او اسامه بن زید په څیر د خلکو په مرسته د پیغمبر د ښخولو لپاره تجهیز کړی او هغه یې په خپل کور کې خاورو ته سپارلی دی. د رسول الله(ص) د ښخولو په وخت کې د انصارو او مهاجرانو ځینې مشران په سقیفه بني ساعده کې راغونډ شول او د رسول الله(ص) د سپارښتنې په خلاف یې ابوبکر د رسول الله(ص) ځای ناستی وټاکه.

نور یی ولوله ...

نورې ټاکل شوې مقالې: د برائت آیتونه – ثقلین – امامیه