تمتع عمره

دا مقاله د تدوین په حال کې ده!

تَمَتُّع عمره، د عمرې یو قسم دی چې له تمتع حج سره یو ځای ترسره کیږي. تمتع عمره د مفرده عمرې په مقابل کې استعمالیږي چې له تمتع حجه جدا ترسره کیږي. تمتع عمره له پینځو عملونو جوړه شوې چې په ترتیب سره دا دي:احرام، طواف، د طواف لمونځ، سعي او تقصیر.

عمره

اصلي مقاله: عمره

عمره د شرعي اعمالو لکه احرام، طواف او د صفا مروه تر مینځ د سعي[۱] په شان د شرعي اعمالو ټولګه ده چې د خدای د کور د زیارت په وخت ترسره کیږي.[۲] عمره په دوو ډولونو تَمَتُّع او مُفرَده عمره وېشل کیږي.[۳] تمتع عمره د تمتع حج د عملونو یوه برخه ده او له هغه سره یوځای ترسره کیږي.[۴] مفرده عمره بیا له تمتع حجه جدا او مستقل عمل دی.[۵]

د فقیهانو په فتوا، د عمرې ترسره کول د حج په شان، که شرایط یې موجود وي، په ټول عمر کې یو ځل واجب [۶] او تر یو ځل زیات مستحب دي.[۷]

د تمتع د عمرې عملونه

تمتع عمره له پینځو عملونو جوړه ده چې په ترتیب سره په دې ډول دي:

1. له پینځو میقاتونو په یو میقات کې احرام تړل [۸] او د حج په میاشتو کې،[۹] په دې ډول چې د عرفې د ورځې له ماسپښینه مخکې د عمرې اعمال پای ته ورسیږي.[۱۰]
2. طواف
3. د طواف لمونځ
4. په صفا مروه کې سعي
5. تقصیر ( د ویښتو یا نوکونو یو څه پرې کول)[۱۱]

له مفرده عمره سره یې فرق

د تمتع عمرې مناسک د مفرده عمرې له مناسکو سره یو څه فرقونه لري. دا فرقونه په دې ډول دي:

• تمتع عمره د مفرده عمره په اپوټه، طواف نساء او د طواف نساء لمونځ نه لري.
• د تمتع عمرې احرام باید په مخصوصو میاشتو کې (شوال، ذي قعده، ذي الحجه) کې ترسره شي، خو د مفرده عمرې احرام دغه شرط نه لري.
• په تمتع عمره کې له سعي او صفا مروه وروسته باید تقصیر (د ویښتو یا نوکونو د یوې برخې پرې کول) وکړي؛ خو په مفرده عمره کې د تقصیر او حلق (سر خرییلو) تر مینځ اختیار موجود دی.[۱۲]
• په تمتع عمره کې احرام باید له پینځګونو مواقیتو په یوه کې وتړل شي؛ خو په مفرده عمره کې دا خبره لازمي نه ده او احرام په «اَدنَى‌الحِلّ» (له حرمه بهر په تر ټولو نزدې ځای کې) هم تړلی شي.[۱۳]