د طواف لمونځ
- دا مقاله د یو فقهي مفهوم په اړه توضیحي مقاله ده او د دیني کړنو لپاره معیار نشي کیدی. د مذهبي کړنو لپاره نورو سرچینو ته مراجعه وکړئ.
د طواف لمونځ د حج او عمرې یو واجب عمل دی. دا لمونځ د سهار د لمانځه په شان دوه رکعته دی چې له طواف وروسته، د مقامِ ابراهیم شاته کیږي. د طوافِ نساء لمونځ یوازې په نیت کښې له دغه لمانځه سره توپیر لري.
تاریخچه
د مقام قبله ګرځول، د حضرت ابراهیم او اسماعل علیهم السلام له وختو نه د رسول الله حضرت محمد مصطفی(ص) تر زمانې پورې تاریخي مخینه لري[۱] او قرآن هم مسلمانان په دغه ځاې کښې لمانځه ته رابولي.[۲]
د لمونځ کیفیت
له هر واجب طواف وروسته باید د سهار د لمانځه په شان دوه رکعته د طواف لمونځ وشي او ضروري نه ده چې سړي په کښې حمد او دویمه سوره په لوړ غږ ولولي.
د دې لمانځه نیت په طواف پورې اړه لري: له طوافِ زیارت وروسته د طوافِ زیارت د لمانځه په نیت او له طوافِ نساء وروسته د طوافِ نساء د لمونځ په نیت. د طواف او د هغه د لمونځ ترمینځ ځنډ نه دی پکار.[۳]
د لمونځ ځاې
د واجب طواف لمونځ باید له مقامِ ابراهیم شاته او د هغه په خوا کښې ترسره شي، بې له دې چې د نورو د طواف لپاره خنډ نه شي.[۴]
د هغو کسانو په اړه چې د یو عذر په وجه په دویم پوړ کښې طواف کوي خو کوې شي چې لمونځ د مسجدالحرام په آنګڼ کښې او د مقامِ ابراهیم تر شا وکړي، د فتوا اختلاف موجود دی.[۵]
د مستحبي طواف لمونځ د مسجدالحرام په هر ځاې کښې ترسره کیدې شي.[۶]
فوټ نوټ
سرچينې
- قرآن کریم
- محمودی، محمدرضا، مناسک حج مطابق فتاوای امام خمینی و مراجع معظم تقلید، تهران، مرکز تحقیقات حج بعثه مقام معظم رهبری نشر مشعر، چاپ چهارم، ۱۳۸۷ش.
- طبرسی، الفضل بن حسن، مجمع البیان، بیروت، دار احیاء التراث العربی، ۱۳۷۹ق.
- جواهری، محمد، الواضح في شرح العروة الوثقى، قم، العارف للمطبوعات، ۱۴۳۶ق.