ستره شیطانه

د ستر شیطان کاریکاتور، د کارلوس لاتوف بریزیلي کارټونیسټ لخوا

شیطان بزرګ یا ستره شیطانه هغه صفت دی چې امام خمیني په تهران کې د امریکا د سفارت له نیول کېدو وروسته په وینا کې د امریکا لپاره وکاروه. هغه په خپلې وینا کې دا تمثیل له هغه روایته استفاده کړی چې د شیطانانو مشر (ابلیس) د اسلام د پېغمبر(ص) له بعثته وروسته شیطانان په ځان راغونډ کړل او د انسانانو د ګمراهۍ د سختېدو خبره یې ورکړه. [یادداشت۱] په دې ډول، د امام خمیني د ادبیاتو په اساس، د ایران په اسلامي انقلاب کې هم شیطان بزرګ یعنې سترې شیطانې امریکا، خپل واړه او بهرني شیطانان پر ځان راغونډوي او شورماشور جوړوي.

په تهران کې د ۲۲ بهمن په لاریون کې د امریکا د بیرغ سره د شیطان د سمبول سوځول

ویل شوي چې دغه صفت په قرآن کې د شیطان له ځانګړنو اخستل شوی دی؛ ځکه چې قرآن، شیطان کافر، د اسلام دښمن، متکبر، تفرقه اچوونکی، بې باوره،فاسق او فاسد، د حزب او ګوند لرونکی او د بدو اعمالو ښکلی برېښوونکی ګڼي چې د امام خمیني له نظره دغه ټول صفتونه پر امریکا په واکمنو سیاستونو کې لیدل کیږي.

امام خمیني په ځلونو د «شیطان بزرګ» له ټکي استفاده کړې ده. په اخلاقي، قرآني او اعتقادي مطالبو کې له دغه ترکیبه د هغه مطلب، ابلیس یا اماره نفس او په سیاسي مباحثو کې امریکا ده. همداراز هغه په خپله وینا کې چې د صهیونسټ رژیم په مقابل کې د اسلامي دولتونو د کمزورۍ او تسلیمېدو په اړه ورکړه، دغه رژیم ته شیطان کوچک (وړوکی شیطان) وایي.

د شیطان بزرګ لقب په ډېرو موقعو کې د اسلامي جمهوریت دوهم مشر سید علي خامنه اي هم کارولی دی. د هغه له نظره، ابلیس سره له دې چې د ټولو شیطانانو مشر دی، خو په یوازې سر هم وسوسه کوله شي؛ لکه څنګه چې امریکا، هم خلک غولوي او هم قتل او چورتالان او فتنه جوړونه کوي. همداراز دا صفت په امریکایي ضد لاریونونو کې د امریکا له سیاستونو څخه د کرکې د اعلانولو لپاره د شعار په توګه کارول کیږي.