شبیب بن عبد الله نهشلي
دا مقاله د تدوین په حال کې ده!
شَبیب بن عبدالله نَهْشَلی (شهادت د ۶۱ق کال عاشورا) د امام علي (ع) له ملګرو او د کربلا له شهیدانو.
شبیب له تابعینو و چې جمل، صفین او نهروان په جنګونو کې د امام علي (ع) په سپاه کې موجود و او د امیر المومنین له شهادته وروسته له حسنینو سره یو ځای شو او د کربلا په پېښه کې شهید شو.
نوم او نسب
شبیب بن عبدالله نهشلي بصري د بني تمیم له قبیلې څخه له بني نهشل له تپې او عدناني عربو[۱] یا بني نفیل بن دارم څخه ګڼل شوی دی.[۲]
په فارسۍ ژبه په ځینو متاخرو کتابونو کې د حارث بن سریع همداني د مریي په توګه معرفي شوی چې له سیف بن حارث او مالک بن عبدالله بن سریع سره کربلا ته راغلی دی[۳] په دې بڼه کې له هغو راپورونو سره چې وایي له مدینې څخه له امام سره ملګری و، چندانې برابر نه دی. مامقاني شبیب بن عبدالله چې د حارث بن سریع کوفي مریی او د پېغمبر صحابي و، له شبیب بن عبدالله نهشلي پرته بل کس ګڼلی دی.[۴]
محمدمهدی شمس الدین له حبیب بن عبدالله نهشلي څخه د کربلا د یو شهید په توګه یادونه کړې او احتمال یې ورکړی چې شبیب بن عبدالله نهشلي له حبیب بن عبدالله نهشلی[۶] او ابوعمرو نهشلي[۷] سره یو وي.[۸]
د حضرت علي دوران
شبیب له تابعینو او د امام علي (ع) له ملګرو و او په جمل، صفین او نهروان جنګونو کې یې برخه اخستې وه. د امام علي (ع) له شهادته وروسته له امام حسن (ع) سره یو ځای شو او د هغه په څنګ کې و.[۹] د امام حسین (ع) په زمانه کې د هغه حضرت له اصحابو ګڼل کېده.[۱۰]
د کربلا پېښه
کله چې امام (ع) له مدینې د مکې او بیا د کربلا په لور وخوځېد هغه د امام په څنګ کې و. د عاشورا په ورځ له دښمنانو سره په جنګ کې په لومړۍ حمله کې شهید شو.[۱۱]
په زیارت الشهداء کې د هغه یادونه داسې شوې ده: السَّلامُ عَلی شَبیبِ بْنِ عَبْدُ الله النَّهْشَلی.[۱۲]