التماس دعا

د wikishia لخوا

دا مقاله د تدوین په حال کې ده!

التماس دعا، له نورو د خېر د دعا غوښتل دي.[۱] التماس دعا معمولا له هغو کسانو چې زیارتونو ته ځي یا کوم عبادت کوي، غوښتل کیږي.[۲] شیعه فقیهانو د یو روایت په اساس،[۳] له مریضه د عیادت کوونکي التماس دعا مستحب ګڼلی دی.[۴] همداراز سپارښتنه شوې چې له بېوزله سره له مرستې وروسته، له هغه د خېر دعا وغوښتل شي؛ ځکه چې د فقیر دعا د هغه چا لپاره چې ورسره یې مرسته کړې، مستجابه ده.[۵]

ځینو شیعه فقیهانو، له مومنانو د خیر د دعا غوښتل هم مستحب ګڼلې دي.[۶] د ځینو روایتونو له مخې، خدای تعالی موسی ته سپارښتنه وکړه چې په هغه ژبه چې ګناه یې نه ده کړې هغه وبلي او کله چې ترې موسی د دې د څرنګوالي غوښتنه وکړه نو ورته وویل شول چې له ځانه پرته د بل چا په ژبه دعا وکړي.[۷] د هغه چا د غوښتنې منل چې التماس دعا یې ویلي، واجب نه دی.[۸]

ځینو فقیهانو د یوسف سورې د ۹۷ ایت په اساس، التماس دعا کې له خدایه د بخښنې غوښتل هم شامل ګڼلې دي؛[۹] د دغه ایت له مخې، د یوسف (ع) وروڼو په کوهي کې د یوسف له غورځولو له پښېمانه کېدو وروسته، له خپل پلار یعقوب (ع) وغوښتل چې ورته د بخښنې دعا وکړي.[۱۰]

له مړو د دعا غوښتل

شیعیانو په التماس دعا کې د مړي او ژوندي په مینځ کې فرق نه دی کړی او له مړو یې هم د دعا غوښتل جایز ګڼلې دي.[۱۱] د دې په مقابل کې وهابیان بیا له مړو، حتی له پېغمبر (ص) څخه د دعا غوښتل ناروا او بدعت ګڼي.[۱۲] د هغوي استدلال دا دی چې مړي د ژوندیو غږ نه اوري.(سماع موتی)[۱۳]و دا چې هیڅ یو صحابي دغه کار نه دی کړی.[۱۴] شیعه عالمان باوري دي چې مړي د خدای په اذن د ژوندیو غږ اوري[۱۵] او اصحابو به د پېغمبر(ص) له رحلته وروسته له هغه حضرته د خیر دعا غوښتله.[۱۶]

اړونده څېړنې

فوټ نوټ

سرچينې

بهرنۍ لینک