امام الفقهاء (ټیلي ویژني لړۍ)

دا مقاله د تدوین په حال کې ده!

امام الفقهاء (ټیلي ویژني لړۍ) اِمامُ الْفُقَهاء د امام صادق(ع) د ژوند په اړه یوه ټلویزیوني لړۍ ده چې سمیع جنادي سوري یې ډارکټر او حامد العلي کویتي یې لیکلوال و. دا لړۍ په 30 قسطونو کې د کویتی الخیر شرکت په مرسته جوړه شوې او په 2013 کې په عراق کې د العراقیه شبکې لخوا خپره شوه.

د امام باقر(ع) او امام صادق(ع) د مخونو ښودل د دې سبب شول چې ځينې مراجع تقلید په دې لړۍ نيوکې وکړي. دغه ټلویزیوني لړۍ په ۱۴۰۰ کال کې د ایران د اسلامي جمهوریت له الکوثر تلویزون څخه خپره شوه؛ البته په دې خپرونه کې د امامانو(ع) په رول کې د اداکارانو مخونه پټ شوي وو. د امام صادق(ع) د امامت نه يادول او یوازې د یو فقهې په توګه د هغه د شخصيت څرګندول د دې لړۍ له نورو نيوکو څخه دي.

کیسه

د امام الفقهاء د لړۍ کیسه د امام جعفر صادق(ع) د اهل سنتو تر مینځ د ژوند، په مسجد النبي کې د هغه د مکتب او په هغه کې د شاګردانو د روزنې په اړه ده.[1] د دې لړۍ لومړۍ برخه د زید بن علي په هکله ده او په ادامه کې د امام صادق(ع) په لاس د څلورو سني امامانو د روزنې په اړه ده.[۲] په دې لړ کې د اسلامي نړۍ د تاریخ یوه برخه د امویانو او عباسیانو تر منځ په خلافت باندې جګړه او د هغه وخت د ټولنې اقتصادي، ټولنیز او سیاسي اړخونه هم پکې ذکر شوي دي.[3]

تولید او خپریدل

د امام الفقهاء لړۍ د کویتی الخیر شرکت لخوا تولید شوې او لګښت یې د کویت د شیعو په مرسته تمویل شوی. سمیع جنادي سوري یې ډایرکټر وو او د کویت لیکوال حامد العلي د سکرین پلې د لیکلو دنده په غاړه درلوده.[۴] دا لړۍ د کویت په الفیصل ښار کې فلم شوې وه. د امام باقر(ع) او امام صادق(ع) رولونه د کویتی اداکار خالد العمیر او لبنانی اداکار علی شقیر لخوا ادا شوي دي.[۵] ایمن زیدان چې د سوریې یو اداکار دی، د اموي خلیفه هشام بن عبدالملک(ع) رول لوبولی دی[6] دا لړۍ په دېرشو 45 دقیقو برخو کې جوړه شوې ده.[7]

د ځينو خبري منابعو له مخې د دې ټلويزيوني لړۍ سکريپټ د شيعه عالم سيد جعفر مرتضی عاملی او د سوډاني مستبصر معتصم السيد احمد روحاني لخوا تصويب شوی دی.[8]

د امام الفقهاء ټلویزیوني لړۍ د ۱۳۹۱ کال د چنګاښ په میاشت کې په عراق کې د عراق له العراقیه چینل څخه خپره شوه.[۹] وروسته د ۱۴۰۰ کال د غبرګولي په دریمه د ایران د اسلامي جمهوریت له الکوثر چینل څخه خپره شوه.[10] البته په الکوثر چینل کې، د هغه کسانو مخونه ونه ښودل شول چې د امامانو(ع) رول یې لوبولی و.[۱۱]

د امامانو د مخ ښودلو په اړه د علماوو او مراجعو غبرګون

په العراقیه چینل کې د امام الفقهاء لړۍ خپریدل د علماوو او مراجعو د یوې ډلې لخوا مثبت او منفي غبرګونونو درلودل؛ ځینې یې دا دي:

سيد محمد صادق روحاني د شيعو مرجع تقليد دی، اعلان وکړ كه د امامانو مخونه په کې ښكاره شي، نو له دې سببه چې د دې كار لپاره هيڅوك د تقوا لازمه درجه نه لري، نو د دې لړۍ توليد، خرڅول او ليدل حرام دي.[۱۲]

سید علي حسیني سیستاني په نجف کې د شیعو مرجع تقلید، د امام الفقهاء د لړۍ محتوا او د امامانو د مخونو ښودنه سمه نه ده بللی او وایي چې د معصومینو(ع) د مخونو د ښکاره کولو اجازت یې نه دی ورکړی.[۱۳] ځکه چې له دې مخکې ځینې خبرونه خپاره شول چې ویلي یې وو چې سيد علي سيستاني او نورو مراجعو د امامانو د مخونو د انځورولو اجازه صادره کړې ده.[۱۴]

په کویت کښې د مراجع تقلید استازی سید محمد باقر مهري د امام الفقهاء د لړۍ خپریدل له شرعي نظره جایز وبلل او څرګنده یې کړه چې د امام صادق(ع) د کردار ادا کوونکی یو نیک او شریف سړی دی. او د ځینو خلکو مخالفت یې د فرقو د اختلافاتو له امله بللي دي.[15]

د دې لړۍ بله نيوکه د امام صادق(ع) شخصیت د یو فقيه او د امام علي(ع) د لمسي په توګه انځورول وو بې له دې چې د هغه حضرت د امامت مقام ته اشاره وشي.[16]