بني قینقاع
دا مقاله د تدوین په حال کې ده!
بني قینقاع د مدینې د یهودانو لومړنۍ قبیله وه چې له پیغمبر(ص) سره یې خپل تړون مات کړ[۱] پیغمبر(ص) په هغوی باندې له حجت تمامولو وروسته[۲] د هجرت د دوهم کال د شوال په ۱۵ نیټه له هغوی سره د جنګ اعلان وکړ.[3] د ځینو راپورونو له مخې دا پیښه هغه وخت وشوه کله چې یو یهودي سړي د یوې مسلمانې ښځې ته لاس واچوه او د بدن یوه برخه یې ورته لغړه کړه.[۴] بیا یو مسلمان سړی د ښځې مرستې ته ورغی او هغه یهودي یې وواژه.[۵] نورو يهودو هم پر هغه مسلمان بريد وکړ او هغه يې وواژه او له دې پېښې وروسته د مسلمانانو او يهودیانو ترمنځ شخړه زياته شوه.[6]
د بني قينقاع د جګړې له پيل سره يهودیان خپلو کلاګانو ته ولاړل او پېغمبر(ص) تر پنځلسو ورځو هغوي په خپلو كلاګانو كې محاصره كړل.[7] له پينځلسو وروځو تیریدو وروسته د بینی قینقاع یهودیان پيغمبر(ص) ته تسلیم شول.[8] د رسول الله (صلی الله علیه وسلم) په حکم، بني قینقاع د شام یوې سیمې ته جلاوطن شول او د اِذرات په سیمه کې میشت شول [10]ویل شوي دي له دې پیښې وروسته، د بنی قینقاع قبیله لږه موده وروسته له منځه لاړه.[10]
د اسلام په پیل کې بني قینقاع په مدینه منوره کې اوسېدل.[11] ځینو د دوي د یهودي شونې په هکله شک کړی دی؛ خو څیړونکي د دوي د یهودي ریښو په اړه هیڅ شک نه لري.[۱۲] په یوه راپور کې د بني قینقاع قبيله د مدینې د سیمې د لومړنیو اوسیدونکو په توګه معرفي شوې ده.[13] د دې راپور له مخې کله چې بنی اسرائیل حضرت موسی(ع) سره د حج د ادا کولو لپاره تللي وو، نو په بیرته ستنیدو کې په لاره کې یوې داسې سیمې ته ورسیدل چې د هغه سیمې ځانګړتیاوې یې د وروستي پیغمبر د استوګنې له ځانګړنو سره ورته وې (چې په تورات کې یې یادونه شوې ده). له همدې امله هلته مېشته شوو او د عربو يوه ډله هم ورو ورو له هغوى سره يوځاى شوه.[۱۴] خو ځينې مورخين عَمالَقه د مدينې لومړني اوسېدونکى او بني قينقاع دويمه قبيله ګڼي چې په مدينه کې مېشت وو.[۱۵]
د بنو نضیر او بنو قریظه (د مدینې په سیمه کې د یهودانو دوه قبیلې) برعکس چې د اوس له قبیلې سره یې تړون وکړ، بنو قینقاع د خزرج له قبيلې سره اتحاد وکړ.[۱۶] د تاریخي روایتونو له مخې د بنی قینقاع، بنو قریظه او بني نضیر تر منځ ځینې سیالۍ روانې وې. او په ځلونو له یو بل سره جنګیدلي وو.[۱۷] په ځینو تاریخي منابعو کې مُخَیْریق د دې قبیلې له مشهورو کسانو (او حتی د قبیلې مشر [۱۸]) هم یاد شوی دی چې د احد په جګړه کې شهيد شو.[۱۹] د بني قينقاع بازار د عربو له مشهورو بازارونو څخه و.[۲۰] چې په ټول کال کې به څو ځله لګیده او خلکو به پرې وياړکاوه.[۲۱] هغوي په مدينه کې ځمکې او د خرما باغونه نه درلودل او د هغوی کسب زرګري او لوارکاري وه[23] جعفر سبحاني چې د فروغ ابدیت کتاب ليکوال دی، په دې باور دی چې د مدينې اقتصادي ځواک د بني قينقاع قبيلې په لاس کې و.[24]