محمد صنقور

محمد صنقور

بشپړ نوم	م‍ح‍م‍د ص‍ن‍ق‍ور ع‍ل‍ی‌ ب‍ح‍ران‍ي
د زیږیدو نیټه	۱ مي ۱۹۶۸م
د زیږیدو هیواد	بحرین
پوستونه	په بحرین کې د دراز سمیې د جمعې امام

محمد صَنْقور شیعه مجتهد او د بحرین پلازمېنې منامې ښار ته نږدې، د دِراز سیمې د امام صادق(ع) جومات د جمعې لمانځه خطیب دی.

محمد صنقور علي بحراني په ۱۹۶۸م/۱۳۴۷ل کې په بحرین کې زېږېدلی دی. هغه خپلې حوزوي زده‌کړې په لس کلنۍ کې په بحرین کې پیل کړې. وروسته، په ۲۵ کلنۍ کې، یعنې په ۱۹۹۳م/۱۳۷۲ل کال کې، قم ته مهاجر شو. نوموړي د قم په علمي حوزه کې د فقه او اصولو لوړې زده‌کړې د میرزا جواد تبریزي، محمد فاضل لنکراني، حسین وحید خراساني او سید کاظم حائري په څېر مراجعو تر لارښوونې لاندې بشپړې کړې. هغه شاوخوا یوه لسیزه وروسته بحرین ته ستون شو او د بحرین په«هُدیٰ» اسلامي مرکز کې یې د فقهې او اصولو تدریس او د دراز په سیمه کې د جمعې لمانځه اقامه پیل کړه.

د محمد صنقور له آثارو څخه ځینې دا دي: «المعجم الأصولي»، «أساسیات المنطق»، «قراءة في مقتل الحسین(ع)»، «تساؤلات حول النهضة الحسینیة»، «مقالات حول حقوق المرأة»، «شبهات مسیحیة حول القرآن»، «شؤون قرآنیة»، «شرح آیات الأحکام»، «مشروعیة الشهادة بالولایة في الأذان» او «مشروعیة السجود على التربة الحسینیة».

صنقور په ۲۰۲۳م/۱۴۰۲ل کال کې د جمعې لمانځه په خطبو کې د بحرین د پوهنې پر وزارت نیوکه وکړه چې د زده‌کوونکو درسي نصاب یې بدل کړی او محتوا یې له اسرائیلو سره د بحرین د اړیکو د عادي کولو له سیاست سره برابره کړې ده. د بحرین حکومت هغه د «پاروونکو څرګندونو» په تور ونیوه. د صنقور د نیول کېدو په غبرګون کې د بحرین په څو سیمو کې ولسي لاریونونه ترسره شول. د بحرین حکومت نوموړی له نیول کېدو څو ورځې وروسته بېرته خوشې کړ.

همدارنګه، له ایران سره د امریکا او اسرائیلو د رمضان جګړې او په بحرین کې د امریکا پر پوځي اډو د ایران له برید وروسته، د آل‌خلیفه امنیتي ځواکونو د ۱۴۰۵ل کال د غویي (ثور) په میاشت کې یو شمېر شیعه روحانیان، چې محمد صنقور هم پکې شامل و، د ایران د ملاتړ یا ورسره د اړیکو په تور ونیول.