د اللهم کن لولیک دعا
 د امام زمان(عج) د روغتیا لپاره د دعا خطاطی. مات شوی نستعلیق | |
| د دعا او زیارت معلومات | |
|---|---|
| نور نومونه | د امام زمان(عج) د روغتیا لپاره دعا |
| موضوع | د امام زمان(عج) د روغتیا او نصرت لپاره دعا |
| مأثور/غیرمأثور | مأثور |
| څخه صادر شوی | امام باقر(ع) او امام صادق(ع) |
| راوی | محمد بن عیسی بن عُبَیْد |
| شیعه سرچینې | الکافي • تهذیب الأحکام • مصباح المتهجد • اقبال الاعمال |
| ځانګره لیکنې | شرح دعای سلامتی امام زمان(عج) (د محسن قرائتي قلم) |
| وخت | د قدر شپه • د روژې ټوله میاشت • د غیبت دوران |
| مشهور دعاګانې او زیارتونه | |
| توسل دعا • کمیل دعا • ندبه دعا • سمات دعا • فرج دعا • ابوحمزه ثمالي دعا • عاشورا زیارت • جامعه کبیره زیارت • وارث زیارت • امین الله زیارت • اربعین زیارت | |
د اَللّهُمَّ کُنْ لِوَلیّک دعا یا د امام زمان(عج) د سلامتۍ دعا، هغه دعا ده چې د شیعیانو د دولسم امام حضرت مهدي(عج) د سلامتیا لپاره لوستل کیږي دا دعا په «اللَّهُمَ کُنْ لِوَلِیکَ» سره پېل کیږي او په تهذیب الاحکام کې له امام باقر(ع) او امام صادق(ع) نقل شوې ده.
په دغه دعا کې د امام مهدي(عج) د سلامتیا لپاره په مختلفو عبارتونو سره دعا شوې ده. دغه دعا د قدر د شپې (۲۳رمضان) له اعمالو د یوې برخې په توګه نقل شوې خو په هر وخت کې یې لوستلی شو. د دعا سند مرسل دي؛ خو ویل شوي دې ته په پام سره چې دعا په معتبرو روایي سر چینو او د دعا په کتابونو کې نقل شوې، د هغې په صحیحوالي او اعتبار حکم کولی شو.
په زیاتره سرچینو کې چې دغه دعا راغلې، د امام مهدي(عج) د نوم په ځای د «فُلَانِ بْنِ فُلَانٍ» عبارت ذکر شوی دی. له دې امله ځینو احتمال ورکړی چې دا دعا د هر امام د امامت په دوره کې د هر امام لپاره ده نه یوازې د زمانې د امام (عج) لپاره.
د «شرح دعای سلامتی امام زمان(عج)» کتاب چې محسن قرائتي د دغه دعا په شرحه کې لیکلی دی.
متن
اللهم کن لولیک دعا په سرچینو کې په مختلفو عبارتونو سره نقل شوې ده. د دغه دعا متن د شیخ طوسي په «مِصْباحُ الْمُتَهَجِّد» کې داسې راغلی: «اللَّهُمَ کُنْ لِوَلِیکَ فُلَانِ بْنِ فُلَانٍ فِی هَذِهِ السَّاعَةِ وَ فِی کُلِّ سَاعَةٍ وَلِیاً وَ حَافِظاً وَ قَائِداً وَ نَاصِراً وَ دَلِیلًا وَ عَیناً حَتَّی تُسْکِنَهُ أَرْضَکَ طَوْعاً وَ تُمَتِّعَهُ فِیهَا طَوِیلًا؛ ای خدایه د خپل ولي لپاره، فلان ابن فلان، په دې شېبه کې او په هره شېبه کې، سرپرست، ساتندویی، پیشوا، ملګری، لارښود او څارندویی اوسه، چې هغه د خلکو په ګروهنې سره په ځمکې کې استوګن کړې او اوږده موده یې ترې برخمن کړې»[۱] دا دعا په اقبال الاعمال کې، په ځینو زیاتو عبارتونو سره نقل شوې ده.[۲]
په تهذیب الاحکام کتاب کې دا دعا له امام باقر(ع) او امام صادق(ع) نقل شوې ده؛[۳] خو په نورو سرچینو کې د «الصالحین» عبارت راغلی او معلومه شوې نه ده چې له کوم امامه نقل شوې ده.[۴]
په زیاترو سرچینو کې چې دا دعا یې نقل کړې د «فُلَانِ بْنِ فُلَانٍ» عبارت راغلی دی.[۵] په شپږمه او اومه قمري پیړۍ کې د شیعه محدث سید بن طاووس په اقبال کې د فلان بن فلان په ځای داسې راوړې دي «اللَّهُمَ کُنْ لِوَلِیکَ الْقَائِمِ بِأَمْرِکِ الْحُجَّةِ مُحَمَّدِ بْنِ الْحَسَنِ الْمَهْدِی عَلَیهِ وَ عَلَی آبَائِهِ أَفْضَلُ الصَّلَاةِ وَ السَّلَامِ».[۶] د کفعمي په مصباح کې هم «مُحَمَّدِ بْنِ الْحَسَنِ الْمَهْدِی» راغلی دی.[۷] د یوولسمې پېړۍ شیعه محدث محمد تقي مجلسي ویلي دي چې د دعا د ظاهر عبارت دا دی چې د فلان ابن فلان په ځای د زمانې د امام(عج) د نوم اخستل جایز دي؛ البته که دهغه حضرت له القابو استفاده وشي غوره ده.[۸] په مفاتیح الجنان کتاب کې ویل شوي چې د فلان بن فلان په ځای، «الحُجَّةِ بْنِ الحَسَنِ» ووایئ.[۹] ځینو له دې امله چې په دعا کې «فلان بن فلان راغلی» احتمال ورکړی چې دا دعا د هرې زمانې د امام لپاره وي نه په امام زمان(عج) پورې خاصه.[۱۰]
د دعا د لوستلو وخت
د دعا د روایت د ابتدایي عباراتو په اساس [یادداشت۱] دا دعا که څه هم د رمضان د ۲۳ شپې ته مخصوصه ده؛ خو په هره زمانه او وخت کې یې ویلې شو؛ ځکه چې ویل شوي دا دعا په هر حالت کې(ملاست، ناست، سجدې کې) د رمضان په ۲۳ شپه بلکې په ټولې رمضان میاشتې کې او د َعمر په ټولو شېبو کې تکرار کړئ.[۱۱] په همدې اساس ویل شوي چې هر شواروز او په لمونځونو کې د دغه دعا تکرارول ښه دي.[۱۲] همداراز سپارښتنه شوې چې دا دعا د خدای له حمد او ثنا او پر پېغمبر(ص) له صلوات وروسته ولوستل شي.[۱۳]
مضمون
په اللهم کن لولیک دعا کې د امام د سلامتیا لپاره په مختلفو عبارتونو سره دعا شوې ده.[۱۴] په دې دعا کې په شپږو کلمو «ولیاً»، «حافظاً»، «قائداً»، «ناصراً»، «دلیلاً» و «عیناً» سره له خدایه غوښتل شوي چې د هغه سرپرست او ولي وي او هغه تر خپلې څارنې حفاظت، او مرستې لاندې راولي.[۱۵]
«فی هذه الساعة» د قدر شپې (د رمضان۲۳) ته اشاره لري او «في کل ساعة» د امام مهدي(عج) لپاره د همېشنۍ دعا او ورته توجه بیانوونکې ده.[۱۶]
د اتمې پېړۍ د شیعه عالم حسن بن سلیمان حلي له نظره، د «حَتَّی تُسْکِنَهُ أَرْضَکَ طَوْعاً» له عبارته مطلب د امام زمان ظهور او د هغه قدرت او حکومت موندل دي؛ ځکه چې د غیبت په زمانه کې، د هغه حضرت حق غصب شوی او هغه د خلکو په مینځ کې د حق د څرګندولو وس نه لري.[۱۷] هغه وایي چې د «تُمَتِّعَهُ فِیهَا طَوِیلًا» مطلب هم رجعت او د امام زمان(عج) له شهادته وروسته وخت دی.[۱۸] د محسن قرائتي په وینا له «تُمَتِّعَهُ فِیهَا طَوِیلًا»، مطلب د امام مهدي(عج) د نړیوال حکومت د اوږدېدو ارمان دی.[۱۹]
سند او اعتبار
د اللهم کن لولیک، دعا په روایي او د دعاګانو په سرچینو کې د محمد بن عیسی بن عُبید [یادونه۲] نقل شوې ده.[۲۰] د هغه د وثاقت په اړه د نظر اختلاف موجود دی.[۲۱] نجاشي[۲۲] هغه ثقه او شیخ طوسي[۲۳] ضعیف ګڼلی دی. د علامه حلي له نظره، پیاوړی نظر، د محمد بن عیسی د وثاقت منل دي.[۲۴]
د علامه مجلسي په وینا د دعا سند مرسل دي[۲۵] سره له دې محسن قرائتي وایي چې په الکافي[۲۶] او تهذیب الاحکام[۲۷] او د ابن مشهدي د المزار الکبیر[۲۸] المصباح د کفعمی اثر[۲۹] او اقبال الاعمال لیک د سید بن طاووس؛[۳۰] په شان معتبرو کتابونو کې یې شتون ته پام سره او دا چې د دغه دعا جملې او عبارتونه په نورو دعاګانو کې هم راغلي، د دعا په صحیحوالي او اعتبار دلالت کوي.[۳۱]
د امام زمان(عج) د سلامتیا لپاره دعا ولې کوو
د محسن قرائتي په وینا دولسم امام هم د نورو معصومو امامانو(ع) په شان طبیعي ژوند لري او په ناروغیو او ستونزو اخته کیږي. له دې امله د هغه د سلامتیا لپاره دعا او صدقه ښه کار دی.[۳۲] هغه د امام مهدي[عج) د سلامتیا او حفاظت لپاره د دعا بل اړخ دا ګڼلی چې دعا د امام د حفاظت لپاره ده. د رسالت په ترسره کولو او د امامت د بوج په زغملو کې- که په غیبت کې وي او که له ظهوره وروسته-؛ ځکه چې د داسې دروند بوج پورته کول خاص الهي حفاظت او عنایت ته اړتیا لري.[۳۳] همداراز له امامانو(ع) په منقولو دعاګانو کې هم د امام زمان(عج) د سلامتیا لپاره دعا شوې ده.[۳۴]
لیکنې
د محسن قرائتي په کتاب «شرح دعای سلامتی امام زمان(عج)»، کې چې د حسن سلم آبادي په زیار چاپ شوی د امام زمان(عج) د سلامتۍ د دعا متن او سند جاجول او سپړل شوی دی. لیکوال له مقدماتي بحثونو او د سند له جاجه وروسته د دعا عبارتونه او ټکي سپړلې دي.[۳۵] د کتاب په پای کې د امام زمان(عج) د سلامتۍ لپاره د دعا فایدې او د دعا د قبلېدو شرایط بیان شوې دي.[۳۶] دغه دعا په غلطۍ سره په فرج دعا مشهوره شوې ده.[۳۷] دا کتاب په قم کې او د حضرت مهدي موعود(عج) د فرهنګي بنسټ له لوري خپور شوی دی.
اړونده څېړنه
فوټ نوټ
- ↑ طوسی، مصباح المتهجد، ۱۴۱۱ق، ج۲، ص۶۳۰و۶۳۱؛ ترجمه از مفاتیح الجنان، ترجمه حسین انصاریان.
- ↑ سید بن طاووس، اقبال الاعمال، ۱۴۱۹ق، ج۱، ص۸۵.
- ↑ طوسی، تهذیب الاحکام، ۱۴۰۷ق، ج۳، ص۱۰۲و۱۰۳.
- ↑ وګورئ: کلینی، الکافی، ۱۴۰۷ق، ج۴، ص۱۶۲؛ طوسی، مصباح المتهجد، ۱۴۱۱ق، ج۲، ص۶۳۰و۶۳۱؛ ابن مشهدی، المزار الکبیر، ۱۴۱۹ق، ص۶۱۲.
- ↑ وګورئ: کلینی، الکافی، ۱۴۰۷ق، ج۴، ص۱۶۲؛ طوسی، تهذیب الاحکام، ۱۴۰۷ق، ج۳، ص۱۰۳؛ طوسی، مصباح المتهجد، ۱۴۱۱ق، ج۲، ص۶۳۰و۶۳۱؛ ابن مشهدی، المزار الکبیر، ۱۴۱۹ق، ص۶۱۲؛ کفعمی، البلد الامین، ۱۴۱۸ق، ص۲۰۳.
- ↑ سید بن طاووس، اقبال الاعمال، ۱۴۱۹ق، ج۱، ص۸۵.
- ↑ کفعمی، المصباح، ۱۴۰۵ق، ص۵۸۶.
- ↑ مجلسی، روضة المتقین، ۱۴۰۶ق، ج۳، ص۴۴۹.
- ↑ قمی، مفاتیح الجنان، مجمع إحیاء الثقافة الإسلامیة، ص۳۰۷، ذیل دعای شب ۲۳ ماه رمضان.
- ↑ وګورئ: قرائتی، شرح دعای سلامتی امام زمان(عج)، ۱۳۹۳ش، ص۴۸.
- ↑ وګورئ: کلینی، الکافی، ۱۴۰۷ق، ج۴، ص۱۶۲؛ طوسی، تهذیب الاحکام، ۱۴۰۷ق، ج۳، ص۱۰۲و۱۰۳؛ طوسی، مصباح المتهجد، ۱۴۱۱ق، ج۲، ص۶۳۰؛ ابن مشهدی، المزار الکبیر، ۱۴۱۹ق، ص۶۱۲؛ کفعمی، البلد الامین، ۱۴۱۸ق، ص۲۰۳؛ سید بن طاووس، اقبال الاعمال، ۱۴۱۹ق، ج۱، ص۸۵.
- ↑ وګورئ: قرائتی، شرح دعای سلامتی امام زمان(عج)، ۱۳۹۳ش، ص۳۵و۳۶.
- ↑ وګورئ: کلینی، الکافی، ۱۴۰۷ق، ج۴، ص۱۶۲؛ طوسی، تهذیب الاحکام، ۱۴۰۷ق، ج۳، ص۱۰۲و۱۰۳؛ طوسی، مصباح المتهجد، ۱۴۱۱ق، ج۲، ص۶۳۰؛ ابن مشهدی، المزار الکبیر، ۱۴۱۹ق، ص۶۱۲؛ کفعمی، البلد الامین، ۱۴۱۸ق، ص۲۰۳؛ سید بن طاووس، اقبال الاعمال، ۱۴۱۹ق، ج۱، ص۸۵.
- ↑ وګورئ: قرائتی، شرح دعای سلامتی امام زمان(عج)، ۱۳۹۳ش، ص۶۱.
- ↑ قرائتی، شرح دعای سلامتی امام زمان(عج)، ۱۳۹۳ش، ص۶۱.
- ↑ قرائتی، شرح دعای سلامتی امام زمان(عج)، ۱۳۹۳ش، ص۵۷.
- ↑ حلی، مختصر البصائر، ۱۴۲۱ق، ص۴۶۰.
- ↑ حلی، مختصر البصائر، ۱۴۲۱ق، ص۴۶۰و۴۶۱.
- ↑ قرائتی، شرح دعای سلامتی امام زمان(عج)، ۱۳۹۳ش، ص۸۷-۹۱.
- ↑ وګورئ: کلینی، الکافی، ۱۴۰۷ق، ج۴، ص۱۶۲؛ طوسی، تهذیب الاحکام، ۱۴۰۷ق، ج۳، ص۱۰۲و۱۰۳؛ طوسی، مصباح المتهجد، ۱۴۱۱ق، ج۲، ص۶۳۰؛ ابن مشهدی، المزار الکبیر، ۱۴۱۹ق، ص۶۱۲؛ سید بن طاووس، اقبال الاعمال، ۱۴۱۹ق، ج۱، ص۸۵.
- ↑ وګورئ: علامه حلی، رجال العلامة الحلی، ۱۴۱۱ق، ص۱۴۲.
- ↑ نجاشی، رجال نجاشی، ۱۳۶۵ش، ص۳۳۳.
- ↑ طوسی، رجال الطوسی، ۱۳۷۳ش، ص۳۹۱.
- ↑ علامه حلی، رجال العلامة الحلی، ۱۴۱۱ق، ص۱۴۲.
- ↑ مجلسی، مرآة العقول، ۱۴۰۴ق، ج۱۶، ص۳۹۴؛ مجلسی، ملاذالاخیار فی فهم تهذیب الاخبار، ۱۴۰۶ق، ج۵، ص۱۰۶.
- ↑ کلینی، الکافی، ۱۴۰۷ق، ج۴، ص۱۶۲، ح۴.
- ↑ طوسی، تهذیب الاحکام، ۱۴۰۷ق، ج۳، ص۱۰۲، ح۳۷.
- ↑ ابن مشهدی، المزار الکبیر، ۱۴۱۹ق، ص۶۱۲.
- ↑ کفعمی، المصباح، ۱۴۰۵ق، ص۵۸۶.
- ↑ سید بن طاووس، اقبال الاعمال، ۱۴۱۹ق، ج۱، ص۸۵.
- ↑ قرائتی، شرح دعای سلامتی امام زمان(عج)، ۱۳۹۳ش، ص۲۶-۲۹.
- ↑ قرائتی، شرح دعای سلامتی امام زمان(عج)، ۱۳۹۳ش، ص۶۲.
- ↑ قرائتی، شرح دعای سلامتی امام زمان(عج)، ۱۳۹۳ش، ص۶۷.
- ↑ د بېلګې په توګه وګورئ: طوسی، مصباح المتهجد، ۱۴۱۱ق، ج۱، ص۴۰۹و۴۱۳ و ج۲، ص۴۰۵.
- ↑ قرائتی، شرح دعای سلامتی امام زمان(عج)، ۱۳۹۳ش، ص۵و۶.
- ↑ قرائتی، شرح دعای سلامتی امام زمان(عج)، ۱۳۹۳ش، ص۹۳-۱۰۳.
- ↑ قرائتی، شرح دعای سلامتی امام زمان(عج)، ۱۳۹۳ش، ص۷.
سرچينې
- ابن مشهدی، محمد بن جعفر، المزار الکبیر، تحقیق و تصحیح جواد قیومی اصفهانی، قم، دفتر نشر اسلامی، چاپ اول، ۱۴۱۹ق.
- حلی، حسن سلیمان بن محمد، مختصر البصائر، تصحیح و تحقیق مشتاق مظفر، قم، دفتر نشر اسلامی، چاپ اول، ۱۴۲۱ق.
- سید بن طاووس، علی بن موسی، اقبال الاعمال، تهران، دارالکتب الاسلامیه، چاپ دوم، ۱۴۱۹ق.
- طوسی، محمد بن حسن، تهذیب الاحکام، تحقیق و تصحیح حسن موسوی خرسان، تهران، دارالکتب الاسلامیه، چاپ چهارم، ۱۴۰۷ق.
- طوسی، محمد بن حسن، رجال الطوسی، تحقیق و تصحیح جواد قیومی اصفهانی، قم، دفتر نشر اسلامی، چاپ سوم، ۱۳۷۳ش.
- طوسی، محمد بن حسن، مصباح المتهجد و سلاح المتعبد، بیروت، مؤسسه فقه شیعه، چاپ اول، ۱۴۱۱ق.
- علامه حلی، حسن بن یوسف بن مطهر، رجال العلامة الحلی، تحقیق و تصحیح محمد صادق بحرالعلوم، نجف، دار الذخائر، چاپ دوم، ۱۴۱۱ق.
- قرائتی، محسن، شرح دعای سلامتی امام زمان(عج)، به کوشش حسن سلم‌آبادی، قم، بنیاد فرهنگی حضرت مهدی موعود(عج)، ۱۳۹۳ش.
- کفعمی، ابراهیم بن علی عاملی، البلد الامین و الدرع الحصین، بیروت، مؤسسه الاعلمی، چاپ اول، ۱۴۱۸ق.
- کفعمی، ابراهیم بن علی عاملی، المصباح، قم، دار الرضی، چاپ دوم، ۱۴۰۵ق.
- کلینی، محمد بن یعقوب، الکافی، تحقیق و تصحیح علی اکبر غفاری و محمد آخوندی، تهران، دارالکتب الاسلامیه، چاپ چهارم، ۱۴۰۷ق.
- مجلسی، محمدباقر، مرآة العقول فی شرح أخبار آل الرسول، تحقیق سیدهاشم رسولی محلاتی، تهران، دارالکتب الاسلامیه، چاپ دوم، ۱۴۰۴ق.
- مجلسی، محمدباقر، ملاذالاخیار فی فهم تهذیب الاخبار، تحقیق مهدی رجائی، قم، کتابخانه آیت الله مرعشی نجفی، چاپ اول، ۱۴۰۶ق.
- مجلسی، محمدتقی، روضة المتقین فی شرح من لایحضره الفقیه، تحقیق و تصحیح حسین موسوی کرمانی و علی‌پناه اشتهاردی، قم، مؤسسه فرهنگی اسلامی کوشانپور، چاپ دوم، ۱۴۰۶ق.
- نجاشی، احمد بن علی، رجال نجاشی، قم، دفتر نشر اسلامی، چاپ ششم، ۱۳۶۵ش.
- قمی، شیخ عباس، مفاتیح الجنان، مجمع إحیاء الثقافة الإسلامیة، بی‌تا.