wikishia:Featured articles/2024
د مدینې په ښځو کې د حضرت فاطمه(س) خطبه یا د عیادت خطبه د خلافت د غصبولو په اعتراض کې د ښځو په ټول کې د پېغمبر(ص) د لور حضرت زهرا(س) خطبه ده. دغه خبرې یې د هغه ناروغۍ په بسترې کې کړې چې د حضرت فاطمه(س) د شهادت سبب شوې. دغه خطبه د پېغمبر(ص) له رحلته د وروسته حالت د انځورولو، د اسلامي ټولنې د راتلونکي په اړه د خبرداري او د فصاحت او بلاغت په وجه مهمه ګڼل شوې ده. حضرت فاطمه(س) د عیادت په خطبه کې له پیمان ماتوونکو د برائت په اعلان او په هغوي پسې د تلونکو خلکو د غندنې په ترڅ کې، د هغوي بې وفایي انځوروي او په څو محورونو کې د موجودو حالاتو په بیانولو سره، د مسلمانانو لپاره د ناوړه راتلونکي اټکل، د علوي حکومت ځانګړنې، د مدینې د خلکو فکري کمزوري او د نظرونو اختلاف، د حکومت د فساد په وړاندې د خلکو مسوولیت او د سقیفې د څېرې انځورونه او څرګندونه کوي. د مهاجرو او انصارو ښځو په مینځ کې د حضرت زهرا(س) خطبه په مختلفو طریقو سره د شیعه سني روایي کتابونو کې راغلې ده. دا خطبه همداراز د دیني څېړاندو له خوا د حضرت فاطمه(س) له ژوند سره په اړوندو کتابونو او د هغې بي بي د خطبې په شرحو کې تشریح شوې ده.
نورې ټاکل شوې مقالې: آمنه بنت وهب – امامیه – د لبنان حزب الله