ابراهیم عقیل
 | |
| لقب/ کنیت | حاجعبدالقادر |
|---|---|
| مذهب | امامې شیعه |
| د زیږیدو نیټه | ۱۹۶۲ میلادي |
| د زیږیدو ځای | د بقاع په لبنان کې |
| د اوسیدو ځای | لبنان |
| شهادت | د ۱۴۰۳لمریز کال د وژي ۳۰ مه |
| د دفن ځای | د بیروت د روضة الشهیدین هدیره |
ابراهیم عقیل (۱۹۶۲-۲۰۲۴م) چې په «حاج عبدالقادر» او «حاج تحسین» مشهور و، د لبنان د حزبالله یو مخکښ پوځي قوماندان و چې د رضوان کنډک بنسټ یې اېښی و. هغه د حزبالله لپاره د پوځي عملیاتو له اصلي طراحانو څخه و او څو ځله یې د صهیونیستي رژیم پر ضد پوځي اقدامات کړي وو. د هغه له مهمو فعالیتونو څخه یو هم له اسرائیلو سره ۳۳ ورځنۍ جګړه وه. نوموړی د ۱۴۰۳ کال د وږي په ۳۰مه، د اسرائیلو د پوځ د هوايي برید په ترڅ کې په لبنان کې ترور شو.
ژوند
ابراهیم عقیل د ۱۹۶۲م کال په دسمبر میاشت کې د لبنان په بقاع سیمه کې وزېږېد او په ۱۹۸۰مې لسیزې کې په لبنان کې د اسلامي مقاومت له بنسټاېښودونکو څخه و.[۱] ابراهیم عقیل د لبنان او اسرائیلو په ۳۳ ورځنۍ جګړه کې هم مهم رول درلود او د خپلو جګړهییزو تاکتیکونو له لارې یې د اسرائیلو پوځ له جدي ننګونو سره مخ کړی و. هغه همداراز د لبنان د حزبالله او د حماس د ځواکونو ترمنځ د اړیکو په ټینګښت کې محوري رول درلود.[۲] نوموړی په «حاج عبدالقادر»[۳] او «تحسین»[۴] لقبونو پېژندل کېده.
د حزبالله په جوړښت کې مقام
ابراهیم عقیل د لبنان د حزبالله د پوځي عملیاتو له پیل راهیسې د عماد مغنیه په څنګ کې د دغه ډلې د پنځه کسیزې بنیادي ډلې غړی و.[۵] عقیل، د حزبالله له بل قوماندان فؤاد شکر وروسته، په حزبالله کې د پوځي قوماندې تر ټولو لوړ مقام پر غاړه درلود.[۶] هغه له ۲۰۰۸م کال راهیسې د حزبالله د عمومي منشي د عملیاتو مرستیال و.[۷] نوموړي د رضوان ځانګړي ځواک قومانده هم پر غاړه لرله.[۸] د فؤاد شکر تر ترور وروسته، ابراهیم عقیل د حزبالله د ځانګړو عملیاتو د ادارې د مسئول په توګه وټاکل شو. هغه د « مجلس شورا»(د شورا غونډې) غړیتوب هم درلود چې د حزبالله تر ټولو لوړ پوځي بنسټ ګڼل کېږي.[۹]
ترور
د امریکا حکومت د هغه د ترور یا د داسې معلوماتو د وړاندې کولو لپاره چې د هغه تر نیولو یا ترور پورې ورسېږي، ۷ میلیونه ډالره جایزه ټاکلې وه.[۱۰] د ځینو سرچینو د راپور له مخې، ابراهیم عقیل د ۱۴۰۳ کال په وږي میاشتې کې د حزبالله د پیجرونو په چاودنو کې ټپي شوی و او تر یوې مودې وروسته له روغتونه رخصت شو.[۱۱] د ۱۴۰۳ کال د وږي په ۳۰مه، د اسرائیلو هوايي ځواک د بیروت په سوېلي ضاحیه کې د حزبالله پر اصلي مرکز برید وکړ. په دې برید کې د ابراهیم عقیل په ګډون د حزبالله ۱۶ غړي، شهیدان شول.[۱۲] هغه د ۱۴۰۳ کال د تلې په لومړۍ نېټه په لبنان کې تشییع شو او د بیروت په «روضة الشهیدین» هدیره کې خاورو ته وسپارل شو.[۱۳]
د ترور پر وړاندې غبرګونونه
د لبنان حزبالله په یوه رسمي اعلامیه کې د هغه شهادت تایید کړ او د هغه له خدمتونو یې ستاینه وکړه.[۱۴] د حزبالله د هغه وخت مرستیال عمومي منشي، نعیم قاسم، په خپلې وینا کې د صهیونیسټي ځواکونو پر ضد په نږدې راتلونکي کې د غچ اخیستنې خبر ورکړ.[۱۵] د فلسطین حماس غورځنګ هم په یوه اعلامیه کې د ابراهیم عقیل ترور وغنده او د هغه د وینې د غچ اخیستنې ژمنه یې وکړه.[۱۶] د آیتالله خامنهاي سلاکار علياکبر ولایتي،[۱۷] د اسلامي شورا د جرګه رئیس محمدباقر قالیباف[۱۸] او د ایران د بهرنیو چارو وزیر عباس عراقچي په جلا جلا پیغامونو کې د ابراهیم عقیل په شهادت تسلیت ووایه او یا یې غبرګون وښود.[۱۹] په نړیوالو غبرګونونو کې، د ایران او یمن په څېر هېوادونو دغه ترور وغنده، او په ملګرو ملتونو کې د ایران استازي هم د دې پېښې په اړه غبرګون څرګند کړ.[۲۰]
فوټ نوټ
- ↑ «حاج ابراهیم عقیل به شهادت رسید»، د فرهیختګان خبري آژانس.
- ↑ «جمعه تراژیک بیروت»، د دنیای اقتصاد خبري آژانس.
- ↑ «حزبالله لبنان شهادت ابراهیم عقیل را تأیید کرد»، عصر ایران.
- ↑ «حاج ابراهیم عقیل به شهادت رسید»، د فرهیختګان خبري آژانس.
- ↑ «ابراهیم عقیل، فرمانده حزبالله که توسط اسرائیل ترور شد، کیست؟»، رویداد ۲۴.
- ↑ «حاج ابراهیم عقیل به شهادت رسید»، د فرهیختګان خبري آژانس.
- ↑ «انتشار ویدئویی از شهید ابراهیم عقیل توسط حزبالله»، مشرقنیوز.
- ↑ «جمعه تراژیک بیروت»، د دنیای اقتصاد خبري آژانس.
- ↑ «تصاویر «ابراهیم عقیل» فرمانده کشته شده حزبالله با قاسم سلیمانی و زاهدی»، العربیه.
- ↑ «حاج ابراهیم عقیل به شهادت رسید»، د فرهیختګان خبري آژانس.
- ↑ «ابراهیم عقیل، فرمانده حزبالله که توسط اسرائیل ترور شد، کیست؟»، رویداد ۲۴.
- ↑ «جمعه تراژیک بیروت»، د دنیای اقتصاد خبري آژانس.
- ↑ «تشییع پیکر ابراهیم عقیل، فرمانده یگان رضوان حزب الله و همراهان او در ضاحیه جنوبی بیروت»، د انتخاب خبري آژانس.
- ↑ «حزبالله لبنان شهادت ابراهیم عقیل را تأیید کرد»، عصر ایران.
- ↑ «حزبالله: هنوز انتقام ابراهیم عقیل را نگرفتهایم»، د کیهان خبري آژانس.
- ↑ «حماس: دشمن بهای خون شهید «ابراهیم عقیل» را خواهد داد»، د فرهیختګان خبري آژانس.
- ↑ «ولایتی شهادت ابراهیم عقیل را به سیدحسن نصرالله تسلیت گفت»، د مهر خبري آژانس.
- ↑ «قالیباف شهادت ابراهیم عقیل را به سیدحسن نصرالله تبریک و تسلیت گفت»، د ایرنا خبري آژانس.
- ↑ «واکنش عراقچی به شهادت ابراهیم عقیل»، د دنیای اقتصاد خبري آژانس.
- ↑ «إدانات للغارة الإسرائیلیة علی الضاحیة الجنوبیة لبیروت»، الجزیره.
سرچينې
- «حاج ابراهیم عقیل به شهادت رسید»(حاج ابراهیم عقیل شهید شو)، د فرهیختګان خبري آژانس، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «حماس: دشمن بهای خون شهید «ابراهیم عقیل» را خواهد داد»(حماس: د شهید “ابراهیم عقیل” د وینې بیه به دښمن پرې کوي)، د فرهیختګان خبري آژانس، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «حزبالله لبنان شهادت ابراهیم عقیل را تأیید کرد»(د لبنان حزبالله د ابراهیم عقیل شهادت تایید کړ)، عصر ایران، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «انتشار ویدئویی از شهید ابراهیم عقیل توسط حزبالله»(حزبالله له خوا د شهید ابراهیم عقیل ویډیو خپره شوه)، مشرقنیوز، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «ولایتی شهادت ابراهیم عقیل را به سیدحسن نصرالله تسلیت گفت»(ولایتي د ابراهیم عقیل شهادت سیدحسن نصرالله ته تسلیت وویله)، د مهر خبري آژانس، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «جمعه تراژیک بیروت»(د بیروت تراژیکه جمعه)، د دنیای اقتصاد خبري آژانس، د خپرېدو نېټه: د ۱۴۰۳ل کال د تلې ۱، د کتنې نېټه: د ۱۴۰۳ل کال د تلې ۸.
- «واکنش عراقچی به شهادت ابراهیم عقیل»(عراقچي د ابراهیم عقیل د شهادت په اړه غبرګون وښود)، د دنیا اقتصاد خبري آژانس، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «پیام ظریف به دبیرکل حزبالله لبنان درپی شهادت ابراهیم عقیل»(ظریف د لبنان د حزبالله عمومي منشي ته د ابراهیم عقیل د شهادت له امله پیغام ولېږه)، د میزان خبري آژانس، د خپرېدو نېټه: د ۱۴۰۳ل کال د تلې ۲، د کتنې نېټه: د ۱۴۰۳ل کال د تلې ۸.
- «تصاویر «ابراهیم عقیل» فرمانده کشته شده حزبالله با قاسم سلیمانی و زاهدی»(انځورونه: د حزبالله د وژل شوي قوماندان “ابراهیم عقیل” له قاسم سلیماني او زاهدی سره)، العربیه، د خپرېدو نېټه: د ۲۰۲۴م کال د سپټمبر ۲۱، د کتنې نېټه: د ۱۴۰۳ل کال د تلې ۸.
- «ابراهیم عقیل، فرمانده حزبالله که توسط اسرائیل ترور شد، کیست؟»(ابراهیم عقیل، هغه د حزبالله قوماندان چې د اسرائیل له خوا ترور شو، څوک و؟)، رویداد ۲۴، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «تشییع پیکر ابراهیم عقیل، فرمانده یگان رضوان حزب الله و همراهان او در ضاحیه جنوبی بیروت»(وګورئ: د حزبالله د رضوان کنډک د قوماندان ابراهیم عقیل او د هغه د ملګرو جنازه په جنوبي ضاحیه، بیروت کې)، د انتخاب خبري آژانس، د خپرېدو نېټه: د ۱۴۰۳ل کال د تلې ۱، د کتنې نېټه: د ۱۴۰۳ل کال د تلې ۸.
- «حزبالله: هنوز انتقام ابراهیم عقیل را نگرفتهایم»(حزبالله: موږ لا هم د ابراهیم عقیل غچ نه دی اخیستی)، د کیهان خبري آژانس، د خپرېدو نېټه: د ۱۴۰۳ل کال د تلې ۱، د کتنې نېټه: د ۱۴۰۳ل کال د تلې ۸.
- «قالیباف شهادت ابراهیم عقیل را به سیدحسن نصرالله تبریک و تسلیت گفت»(قالیباف د ابراهیم عقیل شهادت سیدحسن نصرالله ته مبارکي او تسلیت وویله)، د ایرنا خبري آژانس، د خپرېدو نېټه: د ۱۴۰۳ل کال د وږي ۳۱، د کتنې نېټه: د ۱۴۰۳ل کال د تلې ۸.
- «إدانات للغارة الإسرائیلیة علی الضاحیة الجنوبیة لبیروت»(د اسرائیلي برید په اړه غندنې د بیروت جنوبي ضاحیې پر ضد)، الجزیره، د خپرېدو نېټه: د ۲۰۲۴م کال د سپټمبر ۲۰، د کتنې نېټه: د ۱۴۰۳ل کال د تلې ۸.