سید عبدالرحیم موسوي
 د ایران د اسلامي جمهوریت د وسلهوالو ځواکونو د لوی درستیز رئیس | |
| د زیږیدو ښار | قم |
|---|---|
| د زیږیدو هیواد | ایران |
| د وفات ښار | تهران |
| د شهادت نیټه | د ۱۴۰۴ل د کب ۹مه |
| د شهادت ښار | تهران |
| د شهادت هیواد | ایران |
| قبر | د حضرت معصومې(س) حرم |
| دین | اسلام |
| مذهب | شیعه |
| وروسته له | محمد باقري |
سید عبدالرحیم موسوي (۱۳۳۹–۱۴۰۴ل) چې په سرلشکر (موسوي مشهور و، د ایران لوړپوړی پوځي چارواکی او د ایران د اسلامي جمهوریت د وسلهوالو ځواکونو د لوی درستیز رئیس و، چې د ۱۴۰۴ل کال د کب په ۹مه، پر ایران د امریکا او اسرائیلو په ګډ برید کې، د تهران د دفاع شورا په غونډه کې له علي شمخاني، محمد پاکپور او عزیز نصیرزاده سره یوځای شهید شو.[۱] د موسوي جنازه له تهران او قم څخه تر تشییع وروسته، د ۱۴۰۵ل کال د وري په ۱۴مه، د حضرت معصومه(س) د حرم په امام هادي (عتیق) صحن کې د محمدسعید ایزدي تر څنګ خاورو ته وسپارل شوه.[۲]
زه، د ایران یو سرتېری، که زر ځله هم د دې خلکو او د دوی د عقایدو لپاره ووژل شم، بیا هم غواړم د همدې خلکو د مینې لپاره ژوندی شم، د دې ملت له دښمنانو سره وجنګېږم او ووژل شم. له زړه نه تاسو سره مینه لرم، د ایران ولسه!.
موسوي د ۱۳۸۴ل د وږي له میاشتې څخه د ۱۳۹۵ل تر چنګاښ پورې، د پوځ د عمومي قوماندان مرستیال او د آجا (د ایران د اسلامي جمهوریت پوځ) د ستراتیژیکو مطالعاتو د مرکز رئیس و. تر دې وړاندې یې د ځمکنيو ځواکونو د طرحې، پروګرام او روزنې د مرستیالۍ دندې لرلې. د ۱۳۹۶ل د زمري په ۳۰مه، د بریدجنرالۍ څخه د سرلشکرۍ (ستر جنرالۍ) درجې ته له ختلو وروسته، د پوځ د عمومي قوماندان په توګه وټاکل شو.[۳] نوموړی د ۱۳۹۸ل د غبرګولي په ۷مه، د خپلې دندې تر څنګ، د خاتمالانبیا د هوايي دفاعي قرارګاه قوماندان هم شو.[۴]
د ۱۴۰۴ل کال د غبرګولي په میاشت کې د اسرائیلو او ایران د دولس ورځنۍ جګړې پر مهال، د محمد باقري تر شهادت وروسته، د وخت د رهبر سید علي خامنهاي په حکم د وسلهوالو ځواکونو د لوی درستیز رئیس وټاکل شو؛[۵] دا لومړی ځل و چې دغه مقام د پوځ یوه قوماندان ته سپارل کېده.
سید عبدالرحیم موسوي په ۱۳۳۹ل کال کې په قم کې زېږېدلی و[۶] او له ۱۳۵۸ل کال راهیسې د پوځ (اردو) غړی و. نوموړي د ملي دفاع له عالي پوهنتونه د دفاعي مدیریت دوکتورا درلوده، په ۱۳۷۶ل کې یې د دافوس دوره بشپړه کړې وه، او د امام علي(ع) د حربي پوهنتون فارغالتحصیل و.[۷]
موسوي د ایران او عراق په جګړه کې په ګڼو عملیاتو لکه والفجر ۴، والفجر ۹، بیتالمقدس ۵، قادر او نصر کې برخه اخیستې وه، او ټولټال یې ۹۶ میاشتې د جګړې سابقه لرله.[۸] هغه د صهیونیستي رژیم او امریکا له منتقدانو څخه و، او د ۱۳۹۷ل کال په وري میاشت کې یې په یوه وینا کې ویلي وو:[۹]
موږ به د سپېڅلې دفاع د دورې په ځواک، او هغه هرکلي سره چې خلک یې د راهیان نور کاروانونو، د سپېڅلې دفاع سیمو او د هغې له ښوونو سره لري، امریکا د خپل قدرت له تخت څخه راوغورځوو، او انشاءالله د صهیونیستي رژیم عمر به له ۲۵ کلونو په کم وخت کې پای ته ورسوو.[۱۰]
فوټ نوټ
- ↑ «سپهبد عبدالرحیم موسوی به شهادت رسید»، د ایلنا خبري آژانس.
- ↑ «پیکر شهید سپهبد موسوی در حرم حضرت معصومه(س) آرام گرفت»، د تسنیم خبري آژانس.
- ↑ فرمانده کل ارتش و جانشین رئیس ستاد کل نیروهای مسلح منصوب شدند، د آیتالله خامنهاي د آثارو د ساتنې او خپرونې دفتر.
- ↑ «انتصاب فرمانده قرارگاه پدافند هوایی خاتمالانبیاء و فرمانده پدافند هوایی ارتش»، د آیتالله خامنهاي د آثارو د ساتنې او خپرونې دفتر.
- ↑ «رهبر انقلاب اسلامی درپی شهادت سردار سپهبد محمدحسین باقری در حکمی امیر سرلشکر سید عبدالرحیم موسوی را به ریاست ستاد کل نیروهای مسلح منصوب کردند»، د آیتالله خامنهاي د آثارو د ساتنې او خپرونې دفتر.
- ↑ «زندگینامه-سید-عبدالرحیم-موسوی-۱۳۳۹»، همشهری آنلاین.
- ↑ «سوابق امیر موسوی فرمانده جدید ارتش»، شبکه العالم.
- ↑ امیر سید عبدالرحیم موسوی جانشین رئیس ستادکل نیروهای مسلح شد+سوابق، خبرگزاری فارس؛ سوابق سرلشکر «موسوی» فرمانده جدید ارتش، د دفاع مقدس خبري آژانس.
- ↑ بزرگترین آرمان و آرزویم محو و نابودی رژیم صهیونیستی است، د مهر خبري آژانس.
- ↑ «عمر رژیم صهیونیستی را کمتر از ۲۵ سال به پایان میرسانیم»، د مشرق خبري آژانس.
سرچينې
- «رهبر انقلاب اسلامی درپی شهادت سردار سپهبد محمدحسین باقری در حکمی امیر سرلشکر سید عبدالرحیم موسوی را به ریاست ستاد کل نیروهای مسلح منصوب کردند»(د اسلامي انقلاب د مشر لهخوا د سپهبد محمدحسین باقري د شهادت له کبله، امیر سترلشکر سید عبدالرحیم موسوي د وسلهوالو ځواکونو د لویې ستاد د رئیس په توګه وټاکل شو)، د حضرت آیتالله العظمی خامنهاي د آثارو د ساتنې او خپرونې دفتر، د لیکنې نېټه: ۲۳ غبرګولی ۱۴۰۴ل، د لیدنې نېټه: ۹ وری ۱۴۰۵ل.
- انتصاب فرمانده قرارگاه پدافند هوایی خاتمالانبیاء و فرمانده پدافند هوایی ارتش، دفتر حفظ و نشر آثار آیتالله العظمی خامنهای(د خاتمالانبیاء هوايي دفاع قرارګاه قوماندان او د پوځ د هوايي دفاع قوماندان ټاکنه)، د حضرت آیتالله العظمی خامنهاي د آثارو د ساتنې او خپرونې دفتر، د لیکنې نېټه: ۷ غبرګولی ۱۳۹۸ل، د لیدنې نېټه: ۹ وری ۱۴۰۵ل.
- «فرمانده کل ارتش و جانشین رئیس ستاد کل نیروهای مسلح منصوب شدند»(د پوځ عمومي قوماندان او د وسلهوالو ځواکونو د لویې ستاد د رئیس مرستیال وټاکل شول)، د حضرت آیتالله العظمی خامنهاي د آثارو د ساتنې او خپرونې دفتر، د لیکنې نېټه: ۳۰ زمری ۱۳۹۶ل، د لیدنې نېټه: ۹ وری ۱۴۰۵ل.
- «پیکر شهید سپهبد موسوی در حرم حضرت معصومه(س) آرام گرفت»(د سپهبد موسوي شهید شوې جسد د حضرت معصومه(س) په حرم کې امانت ترسره شو)، د تسنیم خبري اژانس، د لیکنې نېټه: ۱۴ وری ۱۴۰۵ل، د لیدنې نېټه: ۳۱ وری ۱۴۰۵ل.
- «سپهبد عبدالرحیم موسوی به شهادت رسید»(سپهبد (ډګر جنرال) عبدالرحیم موسوي شهید شو)، د ایلنا خبري اژانس، د لیکنې نېټه: ۱۰ وری ۱۴۰۵ل، د لیدنې نېټه: ۳۱ وری ۱۴۰۵ل.
| ||||||||||||||||||||||||||||||||||||||||||||||||||||||||