الحقیقة کما هي (کتاب)
الحَقیقَةُ کَمَا هِيَ د امامیه شیعو د تفکر د بیان په اړه یو لنډ کتاب دی چې د جعفر الهادي (وفات: 1399) شیعه دیني عالم کتاب دی. په دې کتاب کې لیکوال له دلیل پرته د قرآن کریم له آیاتونو او احادیثو په استفادې سره شیعه معرفي کړي دي. الحقیقة کمال هی په عربي ژبه لیکل شوی دی. د اهل بیتو نړیوالې ټولنې دا کتاب په ۱۳۸۴ کال کې خپور کړی او تر ۱۴۰۲ کال پورې یې په ۳۳ ژبو ژباړلی دی. د هغه فارسي ژباړه «حقیقت؛ آنگونه که هست» ده.
د دې کتاب آډیو نسخه هم په هسپانوي، فرانسوي او اندونیزیایي ژبو تولید شوې ده.
پیژندنه
الحقیقة کما هی (حقیقت لکه څنګه چې دی)، دا په عربي ژبه کې یو کتاب دی چې د آیتونو او روایتونو په کارولو سره د امامیه شیعو عقیده معرفي کوي.[۱] چې لیکوال یې جعفر الهادي (وفات: 1399) شیعه دیني عالم د عراق اوسیدونکی دی او د اهل بیتو(ع) د نړیوالې ټولنې د کتابونو د شورا غړی و.
په دې کتاب کې هڅه شوې ده چې له کوم دلیل او حوالې پرته د شیعه د افکارو د چوکاټ په اړه یو لنډ تعریف او تشریح وړاندې کړي، پرته له دې چې د اسلامي فرقو تر منځ شکونو، تورونو او اختلافونو ته اشاره وکړي.[۲] په څلوېښتو موضوعاتو کې د ليکوال موخه د شيعه عقايدو او د نورو اسلامي فرقو د عقايدو تر منځ توپيرونه په ګوته کول دي.[۳] الحقیقة کما هی په ۳۳ ژبو ژباړل شوی او خپور شوی دی.[۴]
جوړښت او منځپانګه
الحقیقه کما هی یو لنډ کتاب دی چې د خپرونکي سریزه، د لیکوال یوه سریزه، د کتاب متن په کې شامل دی او لړلیک او څپرکي په کې نیشته،[۵] کتاب د محتوا په څلویښتو موضوعاتو کې ګڼه شوې ده او د شعیو پیژنګلو او د هغوي عقاید بیانوي.[۶] د کتاب مینځپانګه د لړلیک له مخې لاندې ده:
- د ټولو اسلامي مذهبونو پیروان د یوبل وپیژندلو او سوله ایز ژوند تیرولو ته اړتیا لري
- شیعه د استعماری مذهبونو لکه بهائی، بابیه او قادیانیت سره مخالفت کوي
- په توحید، عدالت، نبوت، معاد او امامت کې د دولسو امامي شیعو د عقایدو معرفي کول
- د امامانو په عصمت، د امام مهدي(ع) په شتون او د هغه د فرج انتظار او د غیبت په زمانه کې له امام زمان(عج) څخه د عامو فقهاوو د استازيتوب په اړه د شیعو عقیده.
- د شیعه مذهب د لمانځه، روژې، حج، زکات، خمس، جهاد، تولی او تبری او د نیکۍ امر او له بدیو څخه منع کولو په اړه عملی عقیده.
- د موقتي نکاح په شرعيت او صحت باندې عقیده او همدارنګه د زنا، لواط، سود، شراب خوارۍ، د بل قتل، قمار، احتکار، غصب، تهمت، غيبت، کنځل، دروغ او بهتان د لويو ګناهونو په توګه، په حراموالي عقیده.
- فضیلتونو او اخلاقو ته د شیعه مذهب اهمیت ورکول او د معنوي اصلاح لپاره هلې ځلې او له اهل بیتو(ع) دعاګانو ته پاملرنه
- د دولس امامي شیعو د پیغمبرانو د قبرونو، پیغمبر اکرم(ص)، معصومو امامانو(ع) او د امامزادګانو د قبرونو احترام کول.
- د زيارت، شفاعت، توسل، ماتم، تقليد، د معصومينو د ياد لمانځلو، د خليفه ګانو لعنت او داسې نورو خبرو په اړه د شيعه مذهب د مخالفانو د شکونو او تورونو ځوابونه.
- د شیعه روایتونو د مهمو سرچینو پیژندل لکه کتب اربعه، نهج البلاغه او صحیفه سجادیه
- د شیعه جعفري دا عقیده چې د مسلمانانو دا حق دی چې د خدای د کتاب او سنتو پر بنسټ له اسلامي حکومتونو څخه ګټه پورته کړي ترڅو د مسلمانانو د حقوقو ساتنه وشي او له نورو دولتونو سره عادلانه او سالمې اړیکې رامینځته شي او د اسلامي نړۍ د سرحدونو ساتنه او تضمین وشي او د مسلمانانو کلتوري، اقتصادي او سیاسي خپلواکي ترلاسه کول لکه څه رنګ چې د قرآن له مونږ همدا تمه ده.[۷]
خپریدل او ژباړه
دا کتاب په 1426 هـ ق (1383-1384هـ ق) کښې د اهل بیتو علیهم السلام د نړیوالې ټولنې له خوا په شپږ زره ټوکو کښې چاپ شو.[۸] به 1388 لمریز کال کې د هغې د فارسۍ ژباړه «حقیقت آنگونه که هست» په ۶۳ مخونو کې چاپ او خپور شو. دا په 32 نورو ژبو هم ژباړل شوی دی لکه:
- آلبانیایي
- آلماني
- اُردو
- اِسپانیایي
- اندونزیایي
- انگریزي
- ایتالیایي
- بِرمه
- بلغاري
- بنگالي
- بوسنیایي
- پُرتغالي
- پشتو
- تاگالوگ (فیلیپینی)
- تایلنډي
- استانبولي ترکي
- چیچوایي
- دانمارکي
- رواندایي
- روسي
- رومانیایي
- ژاپني
- سِندي
- سواحلي
- فرانسوي
- فولاني
- قرقیزي
- خمر (کامبوجي)
- کردي کرمانجي
- لزگي
- لهستاني
- هوسایي[۹]
د الحقیقة کما هی غږیز کتاب په هسپانوي، فرانسوي او اندونيزيايي ژبو كې د اهل بيتو(ع) د نړیوالې ټولنې د علمي او فرهنګي مرستيال لخوا چمتو شوى دى.[۱۰]
فوټ نوټ
- ↑ کتاب گویای "حقیقت آنگونه که هست" به سه زبان تولید شد خبرگزاری ابنا.
- ↑ کرمانی و روزبه، آینه آثار، ۱۴۰۱ش، ص ۳۳۹.
- ↑ کرمانی و روزبه، آینه آثار، ۱۴۰۱ش، ص ۳۳۹.
- ↑ کرمانی و روزبه، آینه آثار، ۱۴۰۱ش، ص ۱۸.
- ↑ الهادی، الحقیقة کما هی، ۱۴۲۶ق.
- ↑ الهادی، الحقیقة کما هی، ۱۴۲۶ق.
- ↑ کتاب «حقیقت؛ آنگونه که هست» از سوی معاونت امور فرهنگی مجمع جهانی اهل بیت(ع) منتشر شد.، حوزهنت.
- ↑ الهادی، الحقیقة کما هی، ۱۴۲۶ق.
- ↑ کرمانی و روزبه، آینه آثار، ۱۴۰۱ش، ص ۱۸.
- ↑ کتاب گویای "حقیقت آنگونه که هست" به سه زبان تولید شد، خبرگزاری ابنا.
سرچينې
- الهادی، جعفر، الحقیقة کما هی، مرکز چاپ و نشر مجمع جهانی اهلبیت، چاپ اول، ۱۴۲۶ق.
- کرمانی، عبدالکریم و سید علی روزبه، آینه آثار: کارنامه ترجمه مجمع جهانی اهلبیت(ع)-۱۳۶۹-۱۳۹۹)، قم، انتشارات مجمع جهانی اهلبیت، ۱۴۰۱ش.
- کتاب گویای "حقیقت آنگونه که هست" به سه زبان تولید شد خبرگزاری ابنا، تاریخ درج مطلب: ۲۸ آذر ۱۴۰۰ش، تاریخ بازدید: ۸ آبان ۱۴۰۲ش.
- کتاب «حقیقت آن گونه که هست» از سوی معاونت امور فرهنگی مجمع جهانی اهل بیت(ع) منتشر شد. پایگاه اطلاع رسانی حوزه، تاریخ درج مطلب: ۲۹ اسفند ۱۳۸۸ش، تاریخ بازدید: ۸ آبان ۱۴۰۲ش.