د صحیفه سجادیه شپږ ویشتمه دعا

د صحیفه سجادیه لاسوند نسخه، د عبدالله یزدي په نسخ خط کې، د ۱۱۰۲ قمري کال د شعبان میاشت کې لیکل شوې

د صحیفه سجادیه شپږ ویشتمه دعا د ګاونډیانو او ملګرو د حقوقو لپاره د امام سجاد(ع) له مأثورو دعاګانو څخه ده. په دغه دعا کښې حضرت سجاد(ع) د خپلو ګاونډيانو او ملګرو د حقوقو د درناوي لپاره له خدايه مرسته غوښتې ده. همدارنګه د ښو اخلاقو په زده کړه، د ناروغانو په پوښتنې، له مظلوم سره د مرستې او له ګاونډیانو سره په عاجزۍ ټینګار کوي.

شپږ ویشتمه دعا د صحیفه سجادیه په ځینې شرحو لکه دیار عاشقان د حسین انصاریان لیکلی او شهود و شناخت د حسن ممدوحي کرمانشاهي په فارسۍ ژبه لیکلی او په ریاض السالکین د سید علي خان مدني په عربۍ ژبه لیکلی شرحې کې راغلې ده.

تعلیمات

د صحیفه سجادیه د شپږ ویشتمې دعا اصلي موضوع، د ګاونډیانو او ملګرو لپاره دعا ده، په دې دعا کې د ګاونډیانو او دوستانو حقونه، هغوي سره د کړچار څه رنګ والی او د فردي او ټولنیزو اړیکو ته هم اشاره کوي. د دې دعا تعلمات په څوارلسو برخو کې له امام سجاد(ع) راغلي دي، چې په لاندې ډول دي:

• د ګاونډیانو د حقونو د خیال ساتلو لپاره له خدایه مرسته غوښتل
• د هغه ګاونډیانو لپاره دعا چې د اهل بیتو(ع) له حقه خبر دي.
• د ګاونډیانو لپاره دا دعا چې د خدای سنت ژوندي وساتي
• د ګاونډیانو لپاره دا دعا چې ښه کړچار ولري
• د ګاونډیانو لپاره دا دعا چې بې وزلو سره مرسته وکړي او د هغوي حاجتونه پوره کړي
• د ګاونډیانو لپاره دا دعا چې د ناروغانو پوښتنه وکړي او د مسافرانو مخې ته وځي
• د ګاونډیانو لپاره دا دعا چې د یو بل رازونه پټ کړي
• د ګاونډیانو لپاره دا دعا چې مظلومینو سره مرسته وکړي
• د ګاونډیانو لپاره دا دعا چې نورو ته له بخښولو ډډه ونه کړي
• د همسایګانو او دوستانو د بدۍ په مقابله کې هغوي سره نیکي کول
• ګاونډیانو سره په درناوي ناسته پاسته کول
• د ګاونډیانو په نسبت ښه نظر درلودل
• د یو ګاونډي د بل سببه نکمرغه کیدل
• څه چې د ځان لپاره غواړو د ګاونډیانو لپاره یې هم وغواړو او د هغوي (له بدیو) سترګې پټې کړو.

شرحې

شپږ ویشتمه دعا د صحیفه سجادیه په شرحو لکه دیار عاشقان د حسین انصاریان په کتاب کې، په شهود و شناخت د محمد حسن ممدوحي کرمانشاهي په کتاب کې او شرح و ترجمه صحیفه سجادیه د سید احمد فهري په کتاب کې په فارسۍ ژبه شرحه شوې ده.

د صحیفه سجادیه شپږ ویشتمه دعا همدارنګ په ځینې کتابونو لکه ریاض السالکین د سید علي خان مدني کتاب، فی ظلال الصحیفه السجادیه د محمد جواد مغنیه کتاب، ریاض العارفین د محمد بن محمد دارابي تالیف او آفاق الروح د سید محمد حسین فضل‌ الله لیکلی کتاب کې په عربۍ ژبه شرحې شوې ده. د دې دعا ګران ټکي په ځینې لغوي شرحو لکه تعلیقات علی الصحیفه السجادیه د فیض کاشاني کتاب او شرح الصحیفه السجادیه د عزالدین جزائري کتابونو کې په تفصیل سره راغلي دي.

متن او ترجمه

د صحیفه سجادیه شپږ ویشتمه دعا

متن

ترجمه

وَ کانَ مِنْ دُعَائِهِ علیه‌السلام لِجِیرَانِهِ وَ أَوْلِیائِهِ إِذَا ذَکرَهُمْ (۱) اللَّهُمَّ صَلِّ عَلَی مُحَمَّدٍ وَ آلِهِ، وَ تَوَلَّنِی فِی جِیرَانِی وَ مَوَالِی الْعَارِفِینَ بِحَقِّنَا، وَ الْمُنَابِذِینَ لِأَعْدَائِنَا بِأَفْضَلِ وَلَایتِک. (۲) وَ وَفِّقْهُمْ لِإِقَامَةِ سُنَّتِک، وَ الْأَخْذِ بِمَحَاسِنِ أَدَبِک فِی إِرْفَاقِ ضَعِیفِهِمْ، وَ سَدِّ خَلَّتِهِمْ، وَ عِیادَةِ مَرِیضِهِمْ، وَ هِدَایةِ مُسْتَرْشِدِهِمْ، وَ مُنَاصَحَةِ مُسْتَشِیرِهِمْ، وَ تَعَهُّدِ قَادِمِهِمْ، وَ کتْمَانِ أَسْرَارِهِمْ، وَ سَتْرِ عَوْرَاتِهِمْ، وَ نُصْرَةِ مَظْلُومِهِمْ، وَ حُسْنِ مُوَاسَاتِهِمْ بِالْمَاعُونِ، وَ الْعَوْدِ عَلَیهِمْ بِالْجِدَةِ وَ الْإِفْضَالِ، وَ إِعْطَاءِ مَا یجِبُ لَهُمْ قَبْلَ السُّؤَالِ (۳) وَ اجْعَلْنِی اللَّهُمَّ أَجْزِی بِالْإِحْسَانِ مُسِیئَهُمْ، وَ أُعْرِضُ بِالتَّجَاوُزِ عَنْ ظَالِمِهِمْ، وَ أَسْتَعْمِلُ حُسْنَ الظَّنِّ فِی کافَّتِهِمْ، وَ أَتَوَلَّی بِالْبِرِّ عَامَّتَهُمْ، وَ أَغُضُّ بَصَرِی عَنْهُمْ عِفَّةً، وَ أُلِینُ جَانِبِی لَهُمْ تَوَاضُعاً، وَ أَرِقُّ عَلَی أَهْلِ الْبَلَاءِ مِنْهُمْ رَحْمَةً، وَ أُسِرُّ لَهُمْ بِالْغَیبِ مَوَدَّةً، وَ أُحِبُّ بَقَاءَ النِّعْمَةِ عِنْدَهُمْ نُصْحاً، وَ أُوجِبُ لَهُمْ مَا أُوجِبُ لِحَامَّتِی، وَ أَرْعَی لَهُمْ مَا أَرْعَی لِخَاصَّتِی. (۴) اللَّهُمَّ صَلِّ عَلَی مُحَمَّدٍ وَ آلِهِ، وَ ارْزُقْنِی مِثْلَ ذَلِک مِنْهُمْ، وَ اجْعَلْ لِی أَوْفَی الْحُظُوظِ فِیمَا عِنْدَهُمْ، وَ زِدْهُمْ بَصِیرَةً فِی حَقِّی، وَ مَعْرِفَةً بِفَضْلِی حَتَّی یسْعَدُوا بی‌وَ أَسْعَدَ بِهِمْ، آمِینَ رَبَّ الْعَالَمِینَ.

د ګاونډيو او دوستانو لپاره د امام دعا کله چې به يې هغوي یادول (۱) اى خدايه! پر محمد (ص) او د هغوى پر آل رحمت وليږه او په دې لړ كې له ماسره ډيره ښه مرسته وكړه چې زه د خپلو ګاونډيو او هغو ملګرو د حقونو خيال وساتم چې زمونږ د حق پيژندونكى او زمونږ د دښنو مخالف وى (۲) او هغوى ته د خپلو رودو د ټينګولو او په  ښو او غوره اخلاقو او ادبونو د سينګاريدو توفيق وركړي.په دا ډول چې هغوى له كمزورو سره نرمه روده ولرى او د هغوى د فقيرۍ چاره وكړى د ناروغو پوښتنه، د لاره پلټونكو هدايت، د مشوره كوونكو خير غوښتنه او له نوى راغلى كس سره ملاقات وكړى. رازونه پټ كاندى په عيبونو پرده واچوى د مظلوم مرسته او د كورنيو ضرورتونو په پوره كولو سره ښه راشه درشه وكړى او په بخښنې او لورينې سره نورو ته فايده ورسوى او تر غوښتلو مخكې د هغوى اړتياوې پوره كاندى (۳) اى خدايه ما داسې كړه چې په هغو كې له بد سره ښه پيښ شم د ظالم په ظلم سترګې پټې كړم او ورځنې تير شم او د ټولو په باب له ښه ګمانه كار واخلم. په نيكۍ او احسان سره د ټولو خبر واخلم او د پرهيزګارۍ او حيا له مخې د هغوى په نيمګړتياو او بديو سترګې پټې كړم د عاجزۍ او تواضع له رويه له هغوى سره نرم چلند وكړم او د مهربانۍ پر بنسټ غمځپلى د لاسه كوم د هغوى په نيشتوالى كې د هغوى مينه په زړه كې وساتم او د خلوص له مخې په هغوى تل د نعمتونو لورول خوښ كړم او كوم څيزونه چې د خپلو ډيرو نزديكانو لپاره ضرورى وګڼم د هغوى لپاره يې هم ضرورى وبولم او كومې خيال ساتنې چې د خپلو ځانګړو كسانو  وكړم همدغه اسانتياوې هغوى ته هم وركاندم (4) اى خدايه!  پر محمد (ص) او د هغوى پر آل رحمت وليږه او ما هم له هغوى د داسې سلوك وړ وګرځوه او كوم څيزونه چې له هغوى سره دى په هغو كې زما برخه لويه كانده او هغوى ته زما د حق په بصيرت او پيژندنې  او زما په فضل او لوړتيا په پوهيدنې او معرفت كې ترقى او زياتے وركړه چې هغوى زما له كبله نيكمرغه او زه د هغوى له امله د اجر او ثواب وړ وګرځم آمين اى د ټولو كائناتو پالوونكيه.

بهرنۍ لینک

• (د صحیفه سجادیه د شپږ ویشتمه دعا متن او اوډیو) متن و صوت دعای بیست و ششم صحیفه سجادیه